Isaya 59:9 - Tshwa Bible

⁹ Hi kota ya lezo a nongameto wu le kule na hina, A kululama a ku hi chikeleli; Hi langutela kuwonekela hi ku ma munyama, Hi cuwukela hlikanhi kanilezi hi famba kuphumeni.

Isaya 59:9 ပူးပေါင်းရင်းမြစ်များ

Joba 19:8

Yena i bhiyile a ndlela ya mina, a nzi zi koti ku hunza; Yena i vekile munyama lomu tisokweni ta mina.

Joba 30:26

Laha na nzi rinzela kusasa, a kubiha ku lota ka mina; Ni laha nzi nga rinzela kuwonekela, ku lota munyama.

Tisimu 82:5

Kanilezi a va tivi nchumu, hambu ni ku pima, Va fambafamba munyameni; A ziseketelo zontlhe za misava za tsekatseka.

Mavingu 4:19

A ndlela ya vaonhi yi fana ni munyama, va xi tivi lexi xi va khubekisako.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Isaya 59:11

Hina hontlhe hi dzumadzuma khwatsi hi maurso, Hi tsikwila kukotisa matuva; Hi langutela kululama, hi nga ku woni; Hi cuwukela kuhanyiswa, kanilezi kuva kule na hina.

Isaya 59:14

A nongameto wu tlhelisilwe nzhako, Ni kululama ku yimile kule na hina, Hakuva zinene zi wile le hubyeni, Ni kululama a ku zi koti ku enghena.

Isaya 59:8

A va tivi nchumu hi ndlela ya kurula, A ku na kululama tindleleni tabye; Va famba hi tindlela to gombonyeka, Ni wihi a ti lanzako a nga tivi kurula.

Isaya 8:21

Va ta pepetseka tikweni, va xaniseka ni kuzwa ndlala; ni loku vazwa ndlala va ta zangara, va rukatela hosi yabye ni Nungungulu wabye.

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 8:15

Hi wa lavelele kurula, kanilezi a ku tangi kusasa, Hi lavelele a xikhati xo chumiwa, kasi kuchava ku kona!

Mikosi 3:2

I nzi fambisile a nzi yisa munyameni, Na ku nga hi kuwonekeleni.

Mikosi 4:14

Va pepetseka lomu maruweni khwatsi zikhumu, va nyenyezisile hi nkhata, Laha kaku a vanhu a va zi koti ku khumba a tinguwo tabye.

Amosi 8:9

Hosi Jehova i ngalo: Hi siku lego nzi ta pelisa gambo laha munwini, nzi vanga munyama laha misaveni xikhatini xa hlikanhi. Mik. 3:6

Mika 1:12

A muaki wa le Marote wa rinzela a kuhanyiswa hi lixuve la hombe, hakuva a khombo gisukile hi ka Jehova gi relela gi chikela nyangweni ya Jerusalema.

Habakuka 1:13

Wena wa mahlo ma basileko, laha ka kuva u hluleka ku cuwuka kubiha, lawa ma nga zi kotiko ku wona kutsimbeketwa, hikuyini u cuwukako a vamahi va kubiha, u miyela loku a wakubiha a mita loyi a mu hunzako hi kululama ke?

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6