Isaya 59:4 - Tshwa Bible

⁴ A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 59:4 ပူးပေါင်းရင်းမြစ်များ

Joba 15:31

Ngha a nga tsumbi zahava, a ti kanganyisa, Hakuva leʼza hava zi tava nchachazelo wakwe.

Joba 15:35

Va na ni nyimba ya kukhohlakala, va pswala kubiha, A pswalo wa kona hi kukanganyisa.

Tisimu 12:3

Jehova a hetise a milomu yi wulawulako mahlenga, Ni lirimi leli li wulawulako matshanza.

Tisimu 62:10

Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17

Tisimu 62:4

Va maha xikungo ntsena ku mu wisa hasi na hi kutlakukeni kakwe, Va tsakiswa hi mawunwa; Va katekisa hi milomu yabye, Na va rukatela timbilwini tabye. (Sela.)

Tisimu 7:15

I kelile rinzi, a gi etisa, Kanilezi i tlhelile a wela ka rinzi a gi kelileko. Mav. 26:27; Mutsa. 10:8

Mavingu 4:16

Hakuva cima a va etleli loku va nga se maha kubiha, i wurongo cima a giti loku va nga se wisa munhu.

Isaya 10:1

Khombo ka vona lava va yimisako milayo yi nga lulamangiko, Lava va tsalako mapapilo yo tsimbeketa;

Isaya 26:18

Hi wa hi ni rumbu, hi wa hi ku bayisekeni, Kanilezi hi lo hefemula moya ntsena; A hi hanyisangi tiko, Hambu a vaaki va misava a va ha pswaliwi.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 29:20

Hakuva a muxanisi i ta lobyiswa ni mutseketseli i ta gumelwa; Zonake ku ta susiwa vontlhe lava va cuwukelako kubiha;

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 33:11

Mu ta xura a nyimba ya mungu, mu pswala byanyi gi womileko; A kuhefemula ka nwina i nzilo wo mu lovisa.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 47:10

Hakuva u ti tsumbile kubiheni ka wena, uku: A nga kona a nzi wonako! A wutlhari ga wena ni wutivi ga wena gi ku hambukisile. Ute mbilwini ya wena: Hi mina nzoce, a nga kona munwani.

Isaya 5:18

Khombo ka vona lavo va kokako kubiha hi tingoti ta zahava, Va koka ni zigoho khwatsi hi gota ga kareta.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Isaya 59:15

Ina, a zinene za vumaleka, Ni loyi a tsikako leʼzo biha wa phangiwa. Jehova i zi wonile, zi mu tsanwisa Hikuva ku nga hi na nongameto.

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Isaya 59:3

Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Jeremia 48:7

Hakuva kota lezi u tsumbako a mitiro ya wena, Ni titshomba ta wena, wenawu u ta hluliwa. Kemoxe i taya wukhumbini Zinwe ni vapristi vakwe ni tihosana takwe. Mitse. 21:29; 1 Tih. 11:7

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Jeremia 7:4

Mu nga tsumbi timhaka ta mawunwa, taku: Tempeli ya Jehova, tempeli ya Jehova, a tempeli ya Jehova hi yaleyi!

Jeremia 7:8

Kanilezi nwina mu tsumba a timhaka ta mawunwa ti nga mu vuniko nchumu.

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Mika 2:1

I khombo ka vona lava va alakanyelako kubiha, va hlota xikungo xo biha masengweni yabye, va zi maha loku gi cile, hakuva zi le ntanwini wa mandla yabye.

Mitiro 24:9

A vaJuda va lo mu yimela, va tiyisa vaku hi zona lezo.

Jakobe 1:15

Zonake a kunavela, loku ku xurile nyimba ku pswala kuonha; ni kuonha laha na ku kulile ku pswala kufa. Tis. 7:14; Rom. 6:21