Isaya 59:18 - Tshwa Bible

¹⁸ I ta va chachazela hi ku ringana ni mitiro yabye, A zanga ka valala vakwe, ni ku tlhelisela ka lava va lwako naye; I ta tlhelisela hi fanelo a matiko ya le bimbini.

Isaya 59:18 ပူးပေါင်းရင်းမြစ်များ

Joba 34:11

Hakuva i tlhelisela munhu maringano ni ntiro wakwe, A mu nyika maringano ni mahanyela yakwe. Mat. 16:27; 1 Kor. 3:8; 2 Kor. 5:10

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 49:4

Kanilezi mina nzi te ngalo: Nzi tirile mahala, Nzi mbhetile a ntamu wa mina mahala hi lezi zi nga vuniko nchumu; Hambu zi hi tano, Jehova i ta lamula mhaka ya mina, A nchachazelo wa mina wu le ka Nungungulu wa mina.

Isaya 63:3

Nzi wa kanzihele lomu xigowolweni xa vinya na nzi hi nzoce, Ni munwe xikari ka matiko nzi wa nga hi naye. Ina, nzi va kanzihelele zangeni ya mina, Nzi va ganyetela hi kota ya khulo ga mina; Ni nkhata wabye wu phandlukele a tinguwo ta mina, Nzi nyenyezisa a nguwo ya mina yontlhe.

Isaya 63:6

Nzi lo kanzihelela matiko zangeni ya mina, Nzi va popisa hi khulo ga mina, Nzi halata nkhata wabye laha misaveni.

Isaya 65:6

Languta, ku tsalilwe mahlweni ka mina: Nzi nga ta miyela nzi kala nzi tlhelisela; Kunene, nzi ta tlhelisela ka vona,

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Isaya 66:6

Ku zwala huwa le mutini, a gezu gi huma tempeleni! I gezu ga Jehova loyi a ti photelako ka valala vakwe.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 32:19

U wa hombe makungwini, u ni ntamu kumaheni; a mahlo ya wena ma wona a mahanyela wontihe ya vana va vanhu, kasi ku nyika ka munwe ni munwani kukotisa a hanyela gakwe, ni kukotisa a mbhanzu wa mitiro yakwe.

Jeremia 50:15

Kanyulukani, mu mu ranzela matlhelo wontihe. I tlakusile mawoko; a makhokhola yakwe ma wile, a makhurisi yakwe ma khungumukile! Loko hi ku ti photela ka Jehova! ti photeleni kakwe; lezi a nga maha ka nwina, mahaniwo zalezo kakwe.

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 23:49

Va ta mu tlhelisela a kubiha ka nwina, mu tava ni nanzu wa zionho za zifananiso za nwina; zonake mu ta zi tiva lezaku hi mina Hosi Jehova,

Ezekieli 38:18

Hi siku lego Goge a ta nga enghena ha gona tikweni ga ka Israeli, a zanga ya mina yi ta vindluka, ku wula Hosi Jehova.

Ezekieli 5:13

A zanga ya mina yi ta tatisekisa lezo; nzi ta rutisa a khulo ga mina ha vona, nzi tangala. Va ta zi tiva lezaku mina Jehova nzi wulile hi kupangama, laha nzi nga tatisa a zanga ya mina hehla ka vona.

Ezekieli 6:12

Loyi a nga le kule i ta dawa hi ntungu; loyi a nga kusuhani i tafa hi supado; loyi a ta nga sala a vimbezelwa, i ta dawa hi ndlala. A zanga ya mina yi ta tatisekisa lezo hehla kabye.

Joeli 3:4

I mhaka muni mu nga nayo na mina nwina Tire na Sidoni, na wena tiko gontlhe ga Filistia? Xana mu ta nzi tlhelisela ke? Loku mu lava ku ti photela ka mina, nzi ta mu tlhelisela hi xihatla hehla ka tihlolo ta nwina. Isa. 23:1; Am. 1:9

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Nahume 1:2

Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.

Luka 21:22

Hakuva lawa hi masiku ya kuphota, kasi zontlhe lezi zi tsalilweko zi fela ku tatiseka. Dan. 9:26; Zak. 11:1

Va le Roma 2:6

loyi a ta nga tlhelisela munwe ni munwani kotisa mitiro yakwe. Mat. 16:27

Deuteronome 32:41

Loku nzi lota a xingwalangwanza xa tlhari ga mina, Ni loku nzi lamula hi canja ga mina, Nzi ta ti photela ka valala va mina, Nzi ta tlhelisela lava va nzi vengako.

Deuteronome 7:10

Kanilezi i tlhelisela lava va mu vengako hi ku va lovisa. A nga hlweli ku rihisa lava va mu vengako, i ta va tlhelisela.

Kuvululelwa 16:19

A muti lowu wa hombe wu lo avanyeka zipanze zinharu, zonake ku khungumuka a miti ya matiko. Zonake Nungungulu i lo alakanya a Babuloni loyi wa hombe, a mu nwisa a gombe gi nga ni vinya ga zanga yakwe leyi yo tshisa. Isa. 51:17, 22; Jer. 10:15; Xip. 14:8

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27