Isaya 58:6 - Tshwa Bible

⁶ A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Isaya 58:6 ပူးပေါင်းရင်းမြစ်များ

2 Kronekele 10:11

Hakuva dadani i wa mu rwexile mikhinyavezo yo binza, kanilezi mina nzi ta engetela ku yi binzisa; dadani i wa mu tsayisa hi tshilani, mina nzi ta mu tsayisa hi tihume!

2 Kronekele 28:11

Makunu nzi ingiseni, mu tlhelisa a tikhumbi leti mu ti khomileko xikari ka vanakuloni, hakuva a zanga ya Jehova yi le hehla ka nwina.

Mavingu 24:11

Tlhatlhisa lava va yisiwako kufeni; hlanguta lava va kokelwako kudaweni.

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 50:33

Jehova wa tiyimpi i ngalo: A vana va ka Israeli ni vana va ka Juda va hlokiswa zinwe; vontlhe laya va nga va yisa wukhumbini va va khoma hi ntamu, a va vumeli ku va tlhatlha.

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Levi 6:5

hambu ni zihi lezi a nga khohlisa a hlambanya mawunwa ha zona; i ta zi tlhelisa zontlhe, a engetela hi za wuntlhanu za kona, a zi nyikela ka nwinyi wa zona hi siku lego a ta nga maha muphahlo wakwe wa nzhiho.

Jona 3:8

Kanilezi ngha zi ambala a tinguwo ta Xirilo, a vanhu ni zihari, zi rila hi ntamu ka Nungungulu. Ina, munwe ni munwani ngha a suka ndleleni yakwe yo biha, va tsika a mitiro ya tihanyi yi mahiwako hi mandla yabye.

Zakaria 7:9

Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Mitiro 8:23

Hakuva nza wona lezaku u tele hi nyongwa ya kubava, ni ku bohiwa hi kuonha. Maheb. 12:15

1 Timote 6:1

Vontlhe lava va nga tikhumbi lahasi ka gota a va dzunze a venyi vabye, kasi a vito ga Nungungulu ni gonzo yakwe zi nga soliwi. Isa. 52:5; Tit. 2:9