Isaya 57:15 - Tshwa Bible

¹⁵ Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 57:15 ပူးပေါင်းရင်းမြစ်များ

Genesisi 21:33

Abrahama i lo byala a tisinya le Berexeba, i lo khongela laho a vito ga Jehova. Nungungulu wa pinzukelwa.

1 Tihosi 8:27

Xana hakunene Nungungulu a nga tshama misaveni ke? Languta, a tilo ga matilo a gi zi koti ku ku kangatela wena; nguvunguvu a yindlu leyi nzi ku akeleko yona! Isa. 66:1; Jer. 23:24; Miti. 7:48

2 Kronekele 34:27

Kota lezi a mbilu ya wena yi olovileko, u ti koramisa mahlweni ka Nungungulu a siku legi u ngazwa a timhaka takwe xungetano ni wutshamu legi ni vanhu va kona, u hanzula a tinguwo ta wena u rila mahlweni ka mina, mina nzi ku zwile, ku wula Jehova.

Joba 22:29

Loku u tsongahatiwa, u taku: A nzi vuxiwe! I ta ponisa a munhu loyi a ti koramisako. Lu. 18:14

Joba 6:10

Zonake nzi wa ta tangala, Ina, nzi wa ta tsaka zikaratweni za mina, Hakuva a nzi kanetangi a timhaka ta a Basileko.

Tisimu 111:9

I rumele kutlatlheka ka vanhu vakwe, I yimisile a xivumelwano xakwe kala kupinzuka; A vito gakwe gi basile, ga chaveka.

Tisimu 115:3

Nungungulu wa hina i le tilweni, Wa maha ni zihi a zi ranzako.

Tisimu 123:1

Nza tlakusa mahlo ya mina ka wena, Wena loyi u tshamako matilweni.

Tisimu 138:6

Hambu lezi Jehova a tlakukileko, wa khatalela lava va koramileko; Wa tiva a vamatshanza na va hi kule. Lu. 1:48, 52; 14:11

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 147:3

Wa tangalisa lava va timbilu ti tshovekileko, A bohelela timbanga tabye.

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Tisimu 34:19

A makhombo ya loyi a lulamileko manyingi; Kanilezi Jehova wa mu hlanguta ka wona wontihe.

Tisimu 51:17

A muphahlo lowu wu xalalisako Nungungulu hi moya loʼwu tshovekileko; Nungungulu, cima u nga ta nyenya a mbilu leʼyi tshovekileko, yi xanisekelako zionho. Isa. 66:2

Tisimu 51:19

Zonake u ta tsaka hi miphahlo ya kululama, A miphahlo ya kuhiswa ni leyi yi hiswako yontlhe; Hi kona va ta nga phahlela hi tikuzi hehla ka alati ga wena.

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Tisimu 93:2

A xitshamu xa wena xa wuhosi xi tiyile kusukela kaleloko, Wena u wa wupinzukelwa. Isa. 44:6

Tisimu 97:9

Hakuva wena Jehova u loyi a Tlakukileko nguvu misaveni yontlhe, U tlakukile hehla ka vanungungulu vontlhe.

Tisimu 99:3

A va dumise a vito ga wena ga hombe gi chavisekako! I basile.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Eksodusi 15:13

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Eksodusi 15:18

Jehova i ta fuma kala kupinzuka.

Eksodusi 40:34

Zonake a refu gi lo fenengeta a tenda ga mutlhangano, hakuva a refu gi wa hi hehla ka gona, ni kuhatima ka Jehova ku tata a tabernakeli,

Eksodusi 40:35

laha kaku hambu na Mosi a tsanzeka ku enghena lomu tendeni ga mutlhangano, hakuva a refu gi wa hi hehla ka gona, ni kuhatima ka Jehova ku tata a tabernakeli.

Mavingu 16:19

Zi sasekile a ku ti tsongahata ni zisiwana, u hunza ku avelana muphango zinwe ni va matshanza.

Mavingu 8:23

Nzi yimisilwe xikhatini xi nga hiko na masangulo, i mahlweni a misava na yi nga se kuva kona.

Isaya 18:4

Hakuva Jehova i nzi byelile, aku: Nzi ta rula, nzi cuwuka na nzi hi lomu ndlwini ya mina, Khwatsi hi mumu wo hisa loku gambo gi cile, Kukotisa a hunguva ya mbhera xikhatini xa ximumu loku ku tshoveliwa.

Isaya 33:5

Jehova i tlakukile hakuva i tshama le hehla; I tatisile Zioni hi nongameto ni kululama.

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 52:13

Langutani, a nanza ga mina gi ta humelela, I ta kuliswa, a dzunziwa, a tlakuswa hehla. Miti. 2:33; Fil. 2:9

Isaya 6:1

A ka lembe lego a ngafa hesi Uzzia, nzi wonile Jehova na tshamile xitshanwini xa hombe xa wuhosi xi tlakukileko, ni nguwo yakwe yi wa tatile a tempeli. Dan. 7:9; Mat. 25:31; Joh. 12:41

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Mikosi 3:41

A hi tlakuseni a timbilu ta hina ni mandla ya hina Ka Nungungulu loyi a nga le tilweni.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Danieli 2:11

I mhaka yo tsanza leyi yi labyiwako hi hosi, a ku na munhu a nga yi hlawutelako ka hosi, ahandle ka vanungungulu lava va nga tshamiko xikari ka vanhu.

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:34

A kumbheleni ka masiku lawo, mina Nebukadnezzare nzi lo tlakusa mahlo ya mina tilweni, a kupima ka mina ku wuyelelana. Nzi lo khesa Loyi a Hunzeleleko Kutlakuka, nzi dumisa ni ku kulisa loyi a hanyako kala kupinzuka; hakuva a kufuma kakwe ka simasima, ni mufumo wakwe wu tsonzoma ka zizukulwana zontlhe.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Luka 1:49

Hakuva Loyi a nga ni ntamu i nzi mahele zilo za hombe; Gi basile a vito gakwe. Tis. 71:19; 111:9

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Mitiro 3:14

Mu lo kaneta loyi wa Kubasa ni wa Kululama, mu kombela lezaku mu tlheliselwa a mudayi, Tis. 16:10; Mar. 1:24; Xip. 7:52

Va le Roma 1:20

Hakuva a matshamela yakwe ma nga wonekiko, wu nga ntamu wakwe wa pinzukelwa ni wunungungulu gakwe, ma wonekile maku dlunya kusukela kuvangiweni ka misava, hakuva ma tibyiwa hi mitiro yakwe. Hikwalaho a va na ku ti pendla. Tis. 19:1

2 Va le Korinte 1:4

loyi a hi chavelelako kuxanisekeni ka hina kontlhe, kasi hi fela ku zi kota ku chavelela vona lava va nga le kuxanisekeni, hi kuchavelela loku hi chavelelwako ha kona hi Nungungulu. 2 Tes. 2:16

2 Va le Korinte 2:7

Lezo i chukwana mu tlhela mu mu tsetselela, mu mu chavelela; a nga dzuka a lova hi kota ya kuxaniseka kakwe ka hombe. Gal. 6:1; Maheb. 12:12

2 Va le Korinte 7:6

Ahembalokoke, Nungungulu loyi a chavelelako lava va karatekako, i lo hi chavelela hi kuta ka Titusi; Xip. 1:4; 2:13

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23

Kuvululelwa 3:7

Tsalela a ngelosi ya bandla ga le Filadelfia, uku: Loyi a basileko, A wa zinene, Loyi a nga ni pfhungulo ya Davida, Loyi a vululako, ku nga vali munhu, Loyi a valako, ku nga vululi munhu, i ngalo: Joba 12:14; Isa. 22:22; Miti. 3:14

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

1 Samueli 2:2

Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.