Isaya 56:6 - Tshwa Bible

⁶ Ni vamatiko lava va ta nga namarela ka Jehova, Va mu tirela, va ranza a vito ga Jehova, Va maha malanza yakwe, Vontlhe lava va hlayisako a sabado, va nga gi nyenyezisi, Va hlayisa a xivumelwano xa mina,

Isaya 56:6 ပူးပေါင်းရင်းမြစ်များ

1 Tihosi 8:41

Ni loku a muluveli loyi a nga hiko wa vanhu va wena, a va ka Israeli, kanilezi na hi wa kuta hi le kule hi kota ya vito ga wena,

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Isaya 58:13

Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Isaya 60:10

A vamatiko va ta aka ligingisi la wena, Ni tihosi tabye ti ta ku tirela. Kunene nzi ku bile zangeni ya mina, Kanilezi hi kota ya tipswalo ta mina nzi ku rivalele.

Isaya 61:5

A vamatiko va tava kona va gisa mitlhambi ya nwina, Ni valuveli va tava varimi va nwina ni vahlayisi va zivina za nwina.

Isaya 61:6

Kanilezi nwina mu ta chuliwa ku Vapristi va Jehova, Va ta mu vitana lezaku mu Malanza ya Nungungulu wa hina. Mu taga a titshomba ta vamatiko, Ni wukosi gabye gi tava ga nwina.

Jeremia 50:5

Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 47:22

Mu ta gi avelana xikari ka nwina ni vamatiko lava va akileko zinwe na nwina hi ku gi hlahluva hi hlolo; a vamatiko va ta pswala vana xikari ka nwina, mu ta va hlaya kota zisumbulwa xikari ka vana va ka Israeli; va tava ni tshomba zinwe na nwina xikari ka tixaka ta ka Israeli. Levi 19:34

Zakaria 6:15

Lava va nga le kule va tata va ta aka a tempeli ya Jehova; zonake nwina mu ta zi tiva lezaku nzi rumilwe ka nwina hi Jehova wa tiyimpi. Lezi zi ta maheka loku hakunene mu ingisa a gezu ga Jehova a Nungungulu wa nwina.

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 2:41

Lava va nga amukela a timhaka takwe va lo bapatizwa; hi lego siku ku lo engetelwa a 3,000 wa vanhu lomu bandleni.

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

1 Va le Korinte 16:22

Loku a hi kona munhu loyi a nga ranziko Hosi, ave a rukatelweko. Maranatha! Gal. 1:8, 9; Juda 14-15

2 Va le Korinte 8:5

A va nyikangi lezi hi nga tsumbile zona ntsena, kanilezi va lo ranga va ti nyikela ka Hosi, zonake va lo ti nyikela ka hina hi kuranza ka Nungungulu. Mat. 25:40; Fil. 4:18; Maheb. 13:16

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Va le Efesusi 6:24

A tipswalo a tive na vona vontlhe va ranzako a Hosi ya hina Jesu Kristu hi liranzo li nga onhekiko.

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2