Isaya 54:6 - Tshwa Bible

⁶ Hakuva Jehova wa ku vitana khwatsi u wasati a tsikilweko, Loye a karatekako moyeni; A sati a lowolweko kuranga a nga hlongolwa ke? Ku wula Nungungulu wa wena.

Isaya 54:6 ပူးပေါင်းရင်းမြစ်များ

Mavingu 5:18

A hlowo ya wena ngha yi katekiswa, nengela ni sati wa wuswa ga wena,

Mutshawuteli 9:9

Hanya hi kutsaka ni sati loyi u mu ranzako wontihe a masiku ya wena ma nga nyawuliko, lawa yena a ku nyikileko lahasi ka gambo, a kuhanya ka wena kontlhe ku nga nyawuliko; hakuva lexo hi xona xiavelo xa wena a wutomini legi ga kukarateka lahasi ka gambo.

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Jeremia 30:17

Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

Hosea 2:19

Zonake nzi ta ku teka uva wa mina kala kupinzuka; nzi ta ku teka hi kululama, ni nongameto, ni tipswalo, ni wuxinji.

Malaki 2:14

Makunu muku; Hikuyini? Nziku: Hakuva Jehova i kustumunyu xikari ka wena ni sati ga wuswa ga wena loyi u nga tsumbekangiko kakwe, kasilezo munghana wa wena, a sati wa xivumelwano xa wena. Gen. 31:49

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

2 Va le Korinte 7:6

Ahembalokoke, Nungungulu loyi a chavelelako lava va karatekako, i lo hi chavelela hi kuta ka Titusi; Xip. 1:4; 2:13