Isaya 54:5 - Tshwa Bible

⁵ Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Isaya 54:5 ပူးပေါင်းရင်းမြစ်များ

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 45:11

Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Isaya 48:2

Hakuva va ti vitana hi vito ga muti wu basileko, Va ti seketela hi Nungungulu wa ka Israeli, Loyi a vito gakwe a nga Jehova wa tiyimpi.

Isaya 51:15

Hakuva nzi Jehova a Nungungulu wa wena, Loyi a vindlusako a bimbi lezaku ma gobhoza a mabyandlati ya gona; A vito gakwe hi Jehova wa tiyimpi.

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Isaya 65:16

Kasi ni wihi loyi a ti katekisako laha misaveni I ta ti katekisa hi Nungungulu wa zinene; Ni wihi lomu tikweni a ta nga hlambanya, I ta hlambanya hi Nungungulu wa zinene. Hakuva a makhombo ya kale ma rivelwe, Ma fihlilwe mahlweni ka mina.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 51:19

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe.

Ezekieli 16:8

Laha nzi nga hunza laha u nga hi koha, nzi lo wona lezaku a xikhati xa Wena xa liranzo xi wa chikele; nzi lo tshambuluta a nkumba wa mina hehla ka wena, nzi fenengeta a wumbyiri ga wena. Ina, nzi lo ku hlambanyela; nzi maha xivumelwano zinwe na wena, zonake u lo maha wa mina, ku wula Hosi Jehova. Gen. 22:16; Rute 3:9; Hos. 2:2

Hosea 2:16

Jehova i ngalo: Hi siku lego u ta nzi vitana ku: Nuna wa mina, u nga ha nzi vitani ku: Nwinyi.

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Luka 1:32

I tava wa hombe, i ta vitanwa aku Nʼwana wa loyi a nga Hehla-Hehla; Hosi Nungungulu i ta mu nyika a xitshamu xa wuhosi xa Davida raru wakwe. 2 Sam. 7:11; Tis. 132:11; Isa. 9:6, 7; Jer. 23:5

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

Va le Efesusi 5:32

A fihlakalo lowu ngwa hombe; kanilezi nza wulawula hi xungetano na Kristu ni bandla.

Joxua 3:11

Languta, a nghaxa ya xivumelwano xa Hosi ya yontlhe misava, yi ta ranga mahlweni ka nwina yi tlhatuka Jordani.

Joxua 3:13

Hakuva laha mikonzo ya vapristi lava va rwalako a nghaxa ya Jehova a Hosi ya misava yontlhe yi ta nga yima matini ya Jordani, a mati ya Jordani lawa ma tako hi le hehla, ma ta tsemeka ma yima, ma maha xitsunzulu.

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44