Isaya 54:3 - Tshwa Bible

³ Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

Isaya 54:3 ပူးပေါင်းရင်းမြစ်များ

Genesisi 26:22

Yena i lo suka leyo, i lo engeta a kela yinwani hlowo; leyoke a va kanetisanangi ha yona. I lo chula vito ga yona ku Rehoboti; na aku ngalo: Hakuva Jehova i hi nyikile wutshamu, hi ta pswalelana lomu tikweni.

Genesisi 28:14

a pswalo wa wena wu ta kota a tshuri wa misava; wena u ta hangalaka le Mupela-gambo, ni Muhuma-gambo, ni Nwalungu, ni le Dzongeni; hi ka wena ni ka pswalo wa wena a matiko wontihe ma ta katekiswa.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 14:2

A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 26:15

Jehova, u enzelekisile tiko, U enzelekisile tiko, u ti kulisa; U engetele yontlhe mimbhingano ya tiko.

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 48:19

Ni vana va wena va wa ta ku khwatsi i seke, Ni pswalo wa marumbu ya wena wu wa ta kotisa vunye; A vito ga wona cima gi wa nga ta susiwa, Ge hambu ku fuviswa mahlweni ka mina. Gen. 22:17; 28:14

Isaya 49:12

Langutani, vata hi le kule, A vanwani va huma hi le Nwalungu, ni le Muhlwa-gambo, A vanwani va huma hi le tikweni ga Sinima.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Isaya 53:10

Zi lo mu xalalisa Jehova a ku muba hi kubayiseka. Loku a wutomi gakwe gi mahile a mhamba ya zionho, I ta wona a pswalo wakwe, a lehisa masiku yakwe, Ni kuranza ka Jehova ku ta vuvuma canjeni gakwe. Rom. 6:9

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Va le Roma 10:18

Kanilezi nzi ngalo: A va yi zwangi ke? Ina, va zwile. A kuwulawula kabye ku zwele misaveni yontlhe, Ni timhaka tabye ti chikele ni le magemetamusi. Tis. 19:4; Mat. 24:14

Va le Roma 11:12

Makunu loku a kuwa kabye ku fumisile tiko, ni kulahlekelwa kabye ku hi kufuma ka vamatiko, zi nga ta hunzisa nguvu loku va hunzuluka vontlhe ke? Jer. 13:4; Zak. 2:11

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.