Isaya 54:14 - Tshwa Bible

¹⁴ U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Isaya 54:14 ပူးပေါင်းရင်းမြစ်များ

Mavingu 3:24

Loku uya kuetleleni cima u nga ta chava, na, u ta etlela, ni wurongo ga wena gi ta nanziha.

Isaya 1:26

Nzi ta ku tlhelisela a Valamuli vo fanana ni laʼvo ranga, ni manghanakana lawa ma fananako ni ya ku sangula. Zonake u ta vitanwa lezaku u muti wa kululama, a muti wu tsumbekileko.

Isaya 1:27

Zioni i ta tlhatlhiswa hi nongameto, ni vahunzulukileko va gona hi kululama.

Isaya 14:4

Mu ta sima a lisimu leli la ku tseketsela hosi ya le Babuloni, muku: A mutsimbeketi i gumelwe kwihi, ni muti wa nzalama wu mbelelisile kuyini!

Isaya 16:4

A vahlongolweko va le Moabi a va luvele ka wena, Uva wuchavelo gabye nghoheni ya muhlaseli. Haxuva a muxanisi i ta gumelwa, a kuphanga ku ta fuva, Ni vatsimbeketi va ta suka lomu tikweni.

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 26:2

Vululani a tinyangwa, kasi ku enghena a vanhu va lulamileko, A vanhu va tsumbekileko.

Isaya 32:17

A ntiro wa kululama wu tava kurula, Ni mihanzu ya kululama yi tava kuhumula ni kutsumba kala kupinzuka.

Isaya 33:18

A mbilu ya wena yi ta alakanya a xikhati xa kuchava. Uku: I kwihi mutsaleli, i kwihi loyi a pimako nzuvo ke? I kwihi loyi a nga hlaya makhokhola?

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 62:1

Hi kota ya Zioni nzi nga ta miyela, Hi kota ya Jerusalema nzi nga ta humula Kala kuwonekela kakwe ku huma khwatsi wuronga, Ni kuhanyisa kakwe ku woningela kota kandiya.

Isaya 9:4

Hakuva u tshovile a muyoka wa nzhwalo wakwe Ni limhika li ngaba hlana wakwe, A nhonga ya mutsimbeketi wakwe u yi tshovile kukotisa sikwini ga Midiani,

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 30:20

A vana vabye va tava kota kale, A nhlengeletano yabye yi ta tiya mahlweni ka mina; Nzi taba vontlhe a vatsimbeketi vabye.

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Zakaria 9:8

Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.

2 Pedro 3:13

Kanilezi hi kota ya xitsumbiso xakwe, hiha ha langutela a matilo maswa ni misava yiswa, lomu a kululama ku tshamileko kona. Isa. 65:17; Kuv. 21:1