Isaya 54:13 - Tshwa Bible

¹³ Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Isaya 54:13 ပူးပေါင်းရင်းမြစ်များ

Tisimu 119:165

Va na ni kurula ka hombe lava va ranzako nayo wa wena, A xi kona xo va khunguvanyisa.

Tisimu 119:33

Jehova, nzi gonzise a ndlela ya ziyimiso za wena, Nzi ta zi hlayisa kala magumo.

Tisimu 147:14

I vanga kurula mimbhinganweni ya wena, Wa ku xurisa hi mavele ma nene.

Tisimu 71:17

Nungungulu, u nzi gonzisile kusukela wusweni ga mina, Kala lezi nza tlhatlhambutela a mitiro ya wena yi hlamalisako.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Isaya 28:9

Vaku: I ta gonzisa mani wutlhari ke? I ta maha mani a pima a mhaka? Kasi hi zihlangi lezi za ha ku lumulwako, Lezi za hi ku tsikisiwako vele ke?

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Isaya 54:12

Nzi ta aka makhokhola ya wena hi maribye ya rubi, Ni tinyangwa ta wena hi karbunkele, Ni ligingisi la wena li ta akiwa hi maribye ya lisima.

Isaya 55:12

Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Ezekieli 34:25

Nzi ta maha a xivumelwano xa kurula zinwe navo, nzi hetisa a zivanza laha tikweni. Va ta aka hi kurula lomu xiwuleni, va etlela ni lomu makhwatini.

Ezekieli 34:28

Va nga ta ha maha a pfimba wa vamatiko, hambu ku giwa hi zivanza za misava; va ta tshama hi kurula, a nga kona a to va dzukisa.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Zakaria 10:7

A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Luka 24:45

Zonake i lo vulula a kupima kabye, lezaku kasi va fela ku pima mitsalo; Miti. 16:14

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 5:1

Hikwalaho na hi hlayelwe kululama hi kukholwa, hi na ni kurula ni Nungungulu hi Hosi ya hina Jesu Kristu; Isa. 32:17; Joh. 16:33; Efe. 2:14

1 Va le Korinte 2:10

Hakuva Nungungulu i zi wonekelisile ka hina hi Moya wakwe; hakuva a Moya wu kamba zilo zontlhe, ina ni zilo zi etileko za Nungungulu. Mat. 16:17; 1 Joh. 2:27

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Efesusi 4:21

loku mu mu zwile, mu gonziswa ka yena, kota lezi a zinene zi nga ka Jesu.

Va le Filipi 4:7

Zonake a kurula ka Nungungulu, loku ku nga hiko na kupimiwa, ku ta hlayisa a timbilu ta nwina ni maalakanyo ya nwina ka Kristu Jesu. Joh. 14:27; Rom. 5:1; Kol. 3:15

1 Va le Tesalonika 4:9

Xungetano ni ku ranza vamakabye a zi laveki lezaku nzi mu tsalela ha kona; hakuva nwina wutsumbu mu gonzisilwe hi Nungungulu a kuva mu ranzana, Jer. 31:34; Joh. 6:45; 13:34; 1 Joh. 2:20

Maheberu 8:10

Hakuva lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Hosi: Nzi ta veka milayo ya mina kupimeni kabye, Nzi yi tsala timbilwini tabye; Nzi tava Nungungulu wabye, Na vona va tava vanhu va mina. Zak. 8:8; Xip. 10:16

Maheberu 8:11

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe Isa. 54:13; Joh. 6:45

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10