Isaya 54:10 - Tshwa Bible

¹⁰ Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Isaya 54:10 ပူးပေါင်းရင်းမြစ်များ

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

Tisimu 102:26

Ma ta hunza, kanilezi wena u ta tshama uku tsonzoma, Wontihe ma ta hlakala khwatsi i nguwo; U ta ma hunzula kukotisa kuhendleletwa ka tinganju, Wona ma ta hunza. Isa. 51:6; Mat. 24:35; 2 Ped. 3:7

Tisimu 46:2

Hi kota ya lezo hi nga ta chava hambu loku misava yi hunzulwa, Ni loku zitsunga zi ninginiswa giwa bimbini.

Tisimu 46:3

Hambu loku mati ya gona ma go bhoza ma vindlukiswa, Ni loku a zitsunga zi tsekatseka hi kukumuka ka wona. (Sela.)

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 49:15

Wa zi kota wasati ku rivala a xihlangi xakwe, A nga zweli wusiwana loyi a humileko hi rumbyini gakwe ke? Ina, a nga rivakelwa, Kanilezi mina cima nzi nga ta ku rivala. 1 Tih. 3:28

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 55:12

Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Isaya 63:7

Nzi taba hungu hi mitiro ya Jehova ya wuxinji, Ni wudzunzo ga Jehova, Maringano ni zontlhe lezi Jehova a hi maheleko, Ni wunene gakwe ga hombe hehla ka yindlu ya ka Israeli, Legi a va maheleko hi wuxinji gakwe Ni liranzo lakwe la hombe.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 31:36

Loku a milayo leyi yi nga have kona mahlweni ka mina, ku wula Jehova, Hi kona a lixaka la ka Israeli li ta nga gumesa A kuva tiko mahlweni ka mina kala kupinzuka.

Jeremia 33:20

Jehova i ngalo: Loku mu wa ta zi kota ku tshova a xivumelwano xa mina ni mumu, ni xivumelwano xa mina ni wusiku, lezaku laho ku ngave na mumu ni wusiku a zikhatini za kona;

Ezekieli 16:42

Nzi ta bohlisa a khulo ga mina hehla ka wena, nzi nga ta ha lusa ha wena, nzi ta rutisa nzi nga ha zangari kambe.

Ezekieli 34:25

Nzi ta maha a xivumelwano xa kurula zinwe navo, nzi hetisa a zivanza laha tikweni. Va ta aka hi kurula lomu xiwuleni, va etlela ni lomu makhwatini.

Malaki 2:5

A xivumelwano xa mina na yena xi wa hi xa kuhanya ni kurula; nzi mu nyikile xona kasi a fela ku nzi chava; i nzi chavile, a rurumela hi kota ya vito ga mina.

Mitsengo 25:12

Hikwalaho u ta mu byela lezaku: Nzi maha zinwe na yena a xivumelwano xa kurula.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Va le Roma 11:29

Hakuva a zinyikiwo ni kuvitana ka Nungungulu a zi na kuhunzuka. Mitse. 23:19

Titusi 3:5

i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21

Maheberu 12:27

A mhaka leyi yaku: A kanwe kambe, yi kombisa a kususiwa ka zilo lezi zi zi kotako ku tsekatsekiswa, kota lezi zi nga zilo zi mahilweko, kasi ku fela ku sala lezi zi nga zi kotiko ku tsekatsekiswa. Mat. 24:35; Kuv. 21:1

Kuvululelwa 6:14

A tilo gi lo suswa khwatsi hi bhuku loku gi: songiwa; ni zitsunga zontlhe ni zihlale zi lo suswa wutshanwini ga zona. Isa. 34:4; Jer. 3:23; Xip. 16:20