Isaya 53:5 - Tshwa Bible

⁵ Kanilezi yena i tlhabyilwe hi kota ya zihambunyeto za hina, A tshobyiwa hi kota ya zigoho za hina; A xitsayiso lexi xi hi nyikako kurula xi lo wela hehla kakwe, Zonake hi hanyiswa hi timbirimbi takwe. Rom. 4:25; 1 Kor. 15:3; 1 Ped. 2:24

Isaya 53:5 ပူးပေါင်းရင်းမြစ်များ

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Joba 33:24

Zonake Nungungulu wa mu hawukela, aku: Mu tlhatlheni, a nga weli rinzini; Mina nzi kumile a nzhiho.

Tisimu 30:2

Jehova, Nungungulu wa mina, Nzi bile huwa ka wena, u nzi hanyisile.

Mavingu 20:30

A timbirimbi ti bayisako ti hlaza kubiha, i kubiwa ku enghenako lomu nzeni.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Isaya 6:7

Gi lo khumba a nomu wa mina ha gona, giku: Languta, a khala legi gi khumbile milomu ya wena, a zigoho za wena zi susilwe, ni kuonha ka wena ku tsetselelwe.

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Va le Roma 4:25

loyi a nga nyikelwa hi kota ya zihambuko za hina, a vuxiwa, kasi hi fela ku hlayelwa kululama. Isa. 53:5; 1 Kor. 15:17; Maheb. 9:28

1 Va le Korinte 15:3

Hakuva a mhaka ya hombe nzi nga mu fayela yona, leyi minawu nzi nga yi amukela, hi lezaku Kristu i lo fela zionho za hina kota lezi yi wulako mitsalo; Gen. 3:15; Tis. 22:15; Isa. 53:5; 1 Ped. 2:24

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Efesusi 5:2

mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. Gen. 8:21; Levi 1:9; Joh. 13:34; 1 Joh. 3:11

Deuteronome 11:2

Tivani inyamutlha (hakuva a nzi wulawuli ni vanana va nwina lava va nga tiviko ni lava va nga wonangiko kutsayisa ka Jehova Nungungulu wa nwina), pimani khwatsi wukulu gakwe, ni canja gakwe ga ntamu, ni woko gakwe gi nawulutilweko,

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Maheberu 10:14

Hakuva hi muphahlelo munwe yena i mbhelelisile kala kupinzuka vona lava va basisilweko.

Maheberu 5:8

Hambu lezi a nga hi Nʼwana, i lo gonza kuingisa hi lezi a nga xaniseka ha zona; Fil. 2:8; Xip. 3:6

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26