Isaya 52:7 - Tshwa Bible

⁷ Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 52:7 ပူးပေါင်းရင်းမြစ်များ

Tisimu 59:13

Va lovise zangeni ya wena, u va lovisa lezaku va nga have kona; Ngha va tiva lezaku Nungungulu wa fumela Jakobe, Ni le magemeta-musi ya misava. (Sela.)

Tisimu 68:11

A Hosi yi lo zwata a gezu, Xa hombe a xidlemo xa vavasati va bako hungu ga kutsaka; Ekso. 15:20; 1 Sam. 18:6

Tisimu 93:1

Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

Tisimu 96:10

Kanelani xikari ka matiko, muku: Jehova wa fuma; Hikwalaho misava yi tiyile, a yi na ku tsekatsekiswa, I ta lamula a matiko hi nongameto.

Tisimu 97:1

Jehova wa fuma; a misava ngha yi nengela, Ni zihlale leʼzinyingi a zi tsake. Isa. 60:9; Zak. 9:9

Tisimu 98:2

Jehova i kombisile a kuhanyisa kakwe, I wonekelisile a kululama kakwe ka vamatiko. Lu. 2:30

Tisimu 98:3

I alakanyile a wuxinji gakwe ni kutsumbeka kakwe ka yindlu ya Israeli, A magemetamusi ya misava ma wonile a kuhanyisa ka Nungungulu wa hina. Lu. 1:54

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Xizimba xa ka Solomoni 2:8

Hi ngazwa, i gezu ga xiranzwa xa mina! Languta, wata, Na tsutsuma zitsungeni, a tlhutlhula zitsunganeni.

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 33:22

Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 41:27

Hi mina wo ranga nzi byelileko Zioni, nziku: Hi valavo, hi valavo! Nzi ta nyika Jerusalema munwe a kanetako mahungu yo saseka.

Isaya 42:11

Ngha a xiwula ni miti ya xona zi tlakusa magezu, Na nwina zimitana za vaKedare; Lava va akileko le Sela ngha va yimbelela, A va kanyuluka hehla ka zitsunga.

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.

Nahume 2:1

Loyi a fayetelako i chikele mahlweni ka wena; hlayisa a makhokhola, rinzela a ndlela, boha ziwunu za wena, u ti tiyiseta hi ntamu.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Marku 13:10

Kanilezi ku yimelwe a kuva ivangeli yi kanetwa kuranga matikweni wontihe.

Marku 16:15

Aku ngalo kabye: Fambani misaveni yontlhe, mu ya kanela ivangeli ka vanhu vontlhe. Mat. 28:19; Joh. 15:16; Kol. 1:23

Luka 2:10

A ngelosi yiku ngalo ka vona: Mu nga chavi, hakuva nza mu bikela a mahungu ya kutsaka ka hombe, loku ku ta ngava ka vanhu vontlhe. Gen. 12:3; Mat. 28:19; Mar. 1:15

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Va le Efesusi 6:15

na mu ambele mikonzweni ya nwina a zilato za ivangeli ya kurula. Isa. 52:7

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 14:6

Zonake nzi lo wona yinwani ngelosi na yi puruma xikari ka tilo, na yi hi ni ivangeli ya pinzukelwa a kuva yiba hungu ha yona ka lava va akileko misaveni, ni ka wontihe matiko ni tixaka ni tirimi ni mifumo.