Isaya 52:11 - Tshwa Bible

¹¹ Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Isaya 52:11 ပူးပေါင်းရင်းမြစ်များ

1 Kronekele 15:12

aku kabye: Hi nwina madota ya tiyindlu ta ka Levi. Ti basiseni zinwe ni vanakuloni, kasi ma fela ku ya rwala a arke ga Jehova Nungungulu wa ka Israeli, mu ta gi veka lomu wutshanwini legi nzi gi longiseleleko gona.

Eksodusi 30:19

kasi Aroni ni vana vakwe va ta hlambela lomo a mandla ni mikonzo.

Isaya 1:16

Hlambani, mu ti basisa; susani mitiro ya nwina yo biha mahlweni ka mina; tsikani ku maha kubiha.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Jeremia 31:21

Ti yimisele a zikombiso, u zimeka zikomba-ndlela; A mbilu ya wena yi kongoma a gonzo, A ndlela leyi u fambileko ha yona. Hunzuluka, wena nhwana wa Israeli, Wuya mitini ya wena.

Jeremia 50:8

Humani Babuloni mu tsutsuma, mu suka lomu tikweni ga maKaldea, muku khwatsi mu timhongo leti ti rangelako mitlhambi.

Jeremia 51:45

Vanhu vanga, humani ka wona, mu ti ponisa munwe ni munwani a zangeni yo tshisa ya Jehova.

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6

Ezekieli 44:23

Va ta gonzisa a vanhu va mina a kuhambana ka zilo za kubasa ni za nyalidede, va va maha va tiva a zivi ni zilo zi hlazekileko.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Levi 11:45

Hakuva hi mina Jehova loyi a mu humesileko tikweni ga le Gipite, kasi nzi fela maha Nungungulu wa nwina. Hikwalaho basani, hakuva mina nzi basile.

Levi 11:47

Lezaku kasi mu fela ku hambanyisa xikari ka lezi zi nyenyezileko, ni lezi zi hlazekileko, ni zihari lezi zi giwako ni lezi zi nga giwiko.

Levi 21:6

Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.

Zakaria 2:10

Yimbelela u tsaka, wena nhanyana wa Zioni! Hakuva nzata, nzi ta tshama xikari ka wena, ku wula Jehova. Isa. 12:6; Joh. 1:14; 2 Kor. 6:16

Zakaria 2:11

A matiko yo tala ma ta namarela ka Jehova hi siku lego, va tava vanhu va mina. Nzi ta tshama xikari ka wena, zonake u ta zi tiva lezaku hi Jehova wa tiyimpi a nzi rumileko ka wena.

Mitsengo 16:26

Mosi i lo byela a tlhangano wontihe aku ngalo: Humani matendeni ya vanhu lava vo biha, mu nga henyi ni nchumu xa lezi zi nga zabye, mu nga loviswa hi kota ya zionho zabye zontlhe.

Mitsengo 19:11

Loye a khumbako xirumbi xa munhu i tava a nga hlazekangi ntlhanu wa masiku ni mambiri.

Mitsengo 19:16

Kasi hi wihi loyi a khumbako a xirumbi xa munhu a delweko hi tlhari le khwatini, kutani xirumbi xa munhu wo ti fela, kutani marambu ya vanhu, kutani xilahla, i tava a nga hlazekangi ntlhanu wa masiku ni mambiri.

Mitsengo 8:6

Teka vaLevi lomu xikari ka vanana va ka Israeli, u va basisa.

Mitiro 10:14

Kanilezi Pedro aku ngalo: Kokwihi, Hosi; cima a nzi se ngaga a xilo xo yila, ni xi nga hlazekangiko. Levi 11:4; 20:25

Mitiro 10:28

aku ngalo kabye: Nwina ma zi tiva lezaku a muJuda a nga faneli a ku tlhangana ni wamatiko, hambu ku enghena ndlwini yakwe; kanilezi Nungungulu i nzi wonisile lezaku nzi nga vitani munhu nziku wa nyalidede kutani a nga hlazekangi. Joh. 4:9; Efe. 3:6

Va le Roma 14:14

Nza zi tiva, nzi kholwa ha Hosi Jesu lezaku a ku na xilo xi nga hlazekangiko ha xoce; sine ka yena loyi a alakanyako lezaku xilo xo kari xi nyenyezile, a ka yena a xi hlazekangi. 1 Kor. 8:7; Tit. 1:15

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Va le Efesusi 5:11

Ngha mu nga hlengeli ni mitiro ya munyama leyi yi nga hiko na mihanzu, kanilezi yi tsetsuleni; Levi 19:17; 1 Kor. 5:9

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

Kuvululelwa 18:4

Nzi lozwa ginwani gezu gita hi le tilweni, giku: Humani ka yena, nwina vanhu va mina, lezaku kasi mu nga hlengeli zionho zakwe, mu biwa hi zixaniso zakwe, Isa. 48:20; 2 Kor. 6:17