Isaya 51:20 - Tshwa Bible

²⁰ A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Isaya 51:20 ပူးပေါင်းရင်းမြစ်များ

Isaya 29:9

Yimani, mu hlamala, Tsimbani mahlo, muva zikhumu; Va popilwe, kanilezi na ku nga hi hi vinya; Va dedereka, kanilezi na ku nga hi kota ya byala.

Isaya 40:30

Lava vaswa va nga karala, va rereka, Ni majaha ma nga wela magumo,

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Isaya 51:21

Hikwalaho zwana timhaka leti, wena loyi u hlokiswako, Wena loyi u popilweko, na ku nga hi vinya.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Isaya 8:21

Va ta pepetseka tikweni, va xaniseka ni kuzwa ndlala; ni loku vazwa ndlala va ta zangara, va rukatela hosi yabye ni Nungungulu wabye.

Jeremia 14:16

A vanhu lavo va nga profeta kabye va ta hoxwa maruweni ya Jerusalema hi kota ya ndlala ni supado, ku nga tava kona wo va lahla: vona ni vasati vabye, ni vana vabye va xinuna ni va xisati; hakuva mina nzi ta chulula kubiha kabye hehla kabye.

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Mikosi 1:15

A Hosi a yi khatalelangi a tinhenha ta mina tontlhe, I rambile a yimpi a ku ta hlasela a majaha ya mina. A Hosi yi kanzihelele a nhanyana wa ka Juda khwatsi hi loku yi vuva vinya.

Mikosi 1:19

Nzi vitanile a vanghana va mina, kanilezi va nzi kanganyisile; A vapristi va mina ni masingalakati ya mina va lovile le mutini, Na va kari va lava vakuga lezi zi nga hanyisako wutomi gabye.

Mikosi 2:19

Vuka, uba huwa ni wusiku, kusanguleni ka xikhati xa kurinzela; Chulula a mbilu ya wena ku fana ni mati mahlweni ka nghohe ya Hosi; Mu tlakusele a mandla ya wena hi kota ya wutomi ga vana va wena, Lava va fako hi ndlala laha magunweni ya maruwa wontlhe.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Mikosi 4:2

A vana va zikududu va le Zioni va fananako ni nzalama yi hlutilweko, Hikuyini va hlayiwako kota maguwana ya wumba, wu nga ntiro wa mandla ya muwumbi?

Mikosi 5:13

A majaha ma rwexilwe a maribye ya zigayo, A vanana va wile lahasi ka tinyanza ta tihunyi.

Ezekieli 12:13

Nzi ta mu phasa hi likoka la mina; nzi mu yisa Babuloni, a tikweni ga maKaldea. Kanilezi a nga ta gi wona, hambu lezi a to fela kona. 2 Tih. 25:4; Jer. 52:11

Ezekieli 17:20

Nzi ta andlala likoka la mina hehla kakwe, i ta phasiwa hi ziyo ga mina, nzi ta mu yisa Babuloni, nzi ya mu lamula hilezi a nga kala ku tsumbeka ka mina.

Ezekieli 39:19

Mu taga mafura kala mu xura, munwa a nkhata kala mu popiwa laha muphahlweni lowu nzi mu mahelako.

Deuteronome 14:5

ni hlangu, ni mhuti, ni mangulwe, ni nhongo, ni hlengani, ni mbavala, ni xipene.

Deuteronome 28:20

Jehova i ta rumela makhombo ni kuxaniseka ni kulahlekelwa ka yontlhe mitiro leyi u ta nga sangula hi canja ga wena, ni leyi u ta nga yi tira, kala u mbhetiswa, u loviswa hi kuhatlisa, hi kota ya mitiro ya wena ya kubiha leyi u nzi fulareleko ha yona.

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10