Isaya 50:7 - Tshwa Bible

⁷ Hakuva Hosi Jehova i ta nzi vunetela, Hikwalaho nzi wa nga wiswangi tingana; Nzi lo maha nghohe ya mina yi fanana ni ribye, Nza zi tiva lezaku nzi nga tawa tingana.

Isaya 50:7 ပူးပေါင်းရင်းမြစ်များ

Tisimu 110:1

Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

Tisimu 54:6

Zonake nzi ta ku phahlela hi matsenya; Nzi dumisa vito ga wena, Jehova, hakuva gi nene.

Isaya 29:22

Hikwalaho Jehova loyi a tlhatlhisileko Abrahama, i byela yindlu ya ka Jakobe, aku: Jakobe a nga ta ha wiswa tingana, ni nghohe yakwe cima yi nga ta ha tsanwa.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 45:17

Kanilezi Israeli i hanyisilwe hi Jehova hi kuhanyisa ka pinzukelwa; Mu nga tava ni tingana ni ku kanganyiseka kala kupinzuka.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 50:9

Langutani, Hosi Jehova i ta nzi vuna, Himani a to nzi kona ke? Vona vontlhe va ta hlakala khwatsi i nguwo, Va giwa hi tisumba.

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Jeremia 1:18

Hakuva, nyamutlha nzi ku mahile a kuva a muti wa khokhola, ni mhanze ya xiketse, ni khurisi ga suku a mahlweni ka tiko gontlhe, a mahlweni ka tihosi ta ka Juda ni tihosana ta kona, ni mahlweni ka vapristi ni vanhu va tiko.

Mika 1:2

Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2

Luka 9:51

Ku te laha masiku ma nga wa tshinele ya kuva a tlakuselwa tilweni, i lo tiyisa a nghohe yakwe yi kongoma a kuya le Jerusalema; Mar. 16:19; Miti. 1:2

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

Maheberu 13:6

Hikwalaho hi nga wula na hi tiyilehlana, hiku: A Hosi hi muvuni wa mina, nzi nga ta chava; A vanhu va nga nzi mahela yini ke? Tis. 27:1; 56:11, 12

1 Pedro 4:1

Kota lezi Kristu a nga xaniseka nyameni, hlomaniwo kualakanya kwaloko; hakuva loyi a xanisekileko nyameni i tsawukene ni kuonha; Gal. 5:24

1 Pedro 4:16

Kanilezi loku munhu a xaniseka hilezi a nga muKristu, ngha a nga telwi hi tingana; kanilezi a dumise Nungungulu vitweni legi; Miti. 5:41