Isaya 50:2 - Tshwa Bible

² A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 50:2 ပူးပေါင်းရင်းမြစ်များ

Genesisi 18:14

Kasi xi kona xilo xi tsanzako Jehova ke? Hi xikhati xi yimisilweko nzi ta Wuya kambe ka wena ha nwakani, Sara i tava ni nwanana. Lu. 1:37

2 Kronekele 32:15

Hikwalahongha Hezekia a nga mu khohlisi, a mu kucetela hi ndlela leyo; mu nga mu vumeli, hakuva a ku na nungungulu wa tiko ni ginwe, hambu mufumo, loyi a zi kotako ku ponisa a vanhu vakwe mandleni ya mina, ni mandleni ya vadadani va mina. Loyi wa nwina, yena i ta zi kotisa kuyini ku mu ponisa mandleni ya mina ke?

Tisimu 106:9

A kawuka a Bimbi go Pswhuka, gipswa, A va rangela lomu kueteni khwatsi hi lomu xiwuleni. Ekso. 14:21; Isa. 63:10-12

Tisimu 107:33

I hunzula micongo yi maha xiwula; A hunzula zibuka zi maha xikhwakhwa;

Eksodusi 14:21

Zonake Mosi i lo nawuluta a canja gakwe hehla ka bimbi, Jehova a tlhelisa a bimbi hi mheho ya ntamu ya Mutsuwuka-gambo, yi nga wa pupuxa wusiku gontlhe a pswhisa bimbi, a mati ma avanyeka hi laha xikari. Jox. 4:23; Isa. 63:12

Eksodusi 14:29

Kanilezi a vanana va ka Israeli va lo famba xikari ka bimbi; laha misaveni yi womileko, ni mati ma wa yimile hi matlhelo mambiri.

Eksodusi 7:18

A zidluwani lezi zi nga lomu congweni zi tafa, a congo wu ta nuha, a vaGipite va ta nyenya kunwa a mati ya congo.

Eksodusi 7:21

A zidluwani za congo zi lofa, ni congo wu lo nuha; a vaGipite va lo tsanzeka kunwa mati ya congo. A tiko gontlhe ga Gipite gi wa hi ni nkhata.

Mavingu 1:24

Hakuva mina nzi vitanile, nwina mu ala, zi lo nawuluta a canja ga mina, kanilezi ai nga kona a nga gi khatalela, Isa. 65:2; Jer. 7:13

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Isaya 19:5

A mati ya bimbi ma tapswha. Ni mati ya congo ma ta koka, wu woma.

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

Isaya 36:20

Hi wihi xikari ka vanungungulu vontlhe va matiko a tlhatlhisileko tiko gakwe mandleni ya mina, ko kala Jehova a tlhatlhisa Jerusalema canjeni ga mina ke?

Isaya 41:28

Laha na nzi cuwuka a nzi woni munhu, A gi kona sungukati xikari kabye, Loyi a zi kotako ku hlamula loku nzi wutisa.

Isaya 42:15

Nzi ta lovisa zitsunga ni miganga, Nzi womisa byanyi gontlhe ka zona; A micongo yi ta maha misava yi womileko, Nzi womisa mativa.

Isaya 43:16

Ku wula Jehova loyi a bhoxileko ndlela lomu bimbini, Ni tisoko lomu matini ya hombe, Ekso. 14:21

Isaya 44:27

Hi mina nzi nge ngalo ka kueta ka bimbi, Pswhana! Nzi ta pswhisa a micongo ya wena.

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Isaya 54:6

Hakuva Jehova wa ku vitana khwatsi u wasati a tsikilweko, Loye a karatekako moyeni; A sati a lowolweko kuranga a nga hlongolwa ke? Ku wula Nungungulu wa wena.

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Isaya 63:13

Loyi a va rangeleko matshanwini ya kueta, kota haxi lomu xiwuleni, A ku kasi va nga khuveki?

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Isaya 66:4

Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Jeremia 14:9

Hikuyini uku khwatsi u munhu a dzukisilweko, U kota nhenha yi nga zi kotiko ku hanyisa ke? Kasi u kona laha xikari ka hina, O Jehova, Hi vitanwa hi vito ga wena; U nga hi tsiki!

Jeremia 35:14

A timhaka ta Jonadaba nʼwana Rekabe, leti a layileko vana vakwe lezaku va nganwi vinya, va ti hlayisile; a va nwangi kala nyamutlha lezi, hakuva va ingisile a nayo wa raru wabye. Mina nzi wa sina nzi mu byelile kambe ni kambe, kanilezi a mu nzi ingisangi.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 7:27

Hikwalaho u ta va byela tontlhe timhaka leti, kanilezi va nga ta kuzwa; u ta va vitana, va nga ku hlamuli.

Jeremia 8:6

Nzi riyile ndleve, nzi ingisa, Kanilezi a va wuli zinene; A nga kona a hunzulukako kubiheni kakwe, Aku: Xini nzi xi mahileko? Vontlhe va tsutsuma kota mahaxi ma hatliselako kulweni,

Danieli 3:15

Makunu loku mu longile aku ni xihi xikhati mu zwako a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, muwa hasi mu khizamela a xifananiso lexi nzi nga xi maha, zi sasekile. Kanilezi loku mu nga xi khizamela mu ta hoxiwa zalezo xikari ka nzhimbo wa pingo ga nzilo. Hi wihi nungungulu a to zi kota ku mu tlhatlhisa mandleni ya mina ke?

Danieli 3:29

Hikwalaho, nzaba nyiwo, lezaku ni wihi wa matiko wontihe, ni tixaka ni tirimi, loyi a wulawulako kubiha hi Nungungulu wa Xadrake na Mexake na Abed-nego, i ta phaphulelwa, a tiyindlu takwe ti ta mahiwa matala. Hakuva a nga kona munwani nungungulu loyi a nga ponisako hi ndlela leyi. Miti. 5:29

Danieli 6:20

Loku yi chikele nkeleni yi lo vitana Danieli hi gezu ga kukarateka, yi ku: Danieli, nanza ga Nungungulu a hanyako, a Nungungulu loyi u mu khozelako xontlhe xikhati i zi kotile ku ku ponisa tinghaleni ke?

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.

Hosea 11:7

A vanhu va mina va bohile xifungo xo nzi fularela, hambu loku va vitanwa a kuya ka loyi a nga hehla, a nga kona ni munwe a mu tlakuselako a mbilu yakwe.

Nahume 1:4

Wa kawuka a bimbi a gi maha gipswha, a pswhisa micongo yontlhe; Baxani ni Karmeli ya ohoma, ni xitsangi xa Lebanoni xa wuna.

Habakuka 3:8

Jehova a nga tsanwiswa hi micongo ke? U wa zangarela a micongo ke? Kutani u zangarela a bimbi, Lezi u khilelako a mahaxi ya wena, U famba hi tikareta ta wena ta ku hanyisa?

Mitsengo 11:23

Jehova i te ngalo ka Mosi: Xana a canja ga Jehova gi komile ke? Makunu wena u ta wona zalezi kutani timhaka ta mina ti ta maheka kutani ti nga ta maheka. Isa. 50:2; 59:1

Marku 4:39

I lo vuka, a kawuka a mheho, aku ka bimbi: Miyela, uku hwi! Ni mheho yi lo gawuka, kuva ni malenga ya hombe.

Johani 1:11

I lota kaya kakwe, kanilezi lava va nga hi vakwe a va mu amukelangi.

Johani 3:19

A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3