Isaya 5:25 - Tshwa Bible

²⁵ Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Isaya 5:25 ပူးပေါင်းရင်းမြစ်များ

1 Tihosi 14:11

Kani hi wihi munhu wa ka Jeroboamu a ta nga fela laha mutini, i ta giwa hi timbyana; ni loyi a ta nga fela khwatini, i ta giwa hi tinyanyani ta tilo, hakuva Jehova i wulile lezo.

1 Tihosi 16:4

A munhu wa ka Baaxa a ta ngafa laha mutini i ta giwa hi timbyana, ni loye a ta nga fela khwatini i ta giwa hi tinyanyani ta tilo.

1 Tihosi 21:24

Kani hi wihi munhu wa ka Ahabi a ta nga fela laha mutini, a timbyana ti ta muga; ni loyi a ta nga fela khwatini, a tinyanyani ta tilo ti ta muga.

2 Tihosi 13:3

A zanga ya Jehova yi lo vindlukela va ka Israeli, a va nyikela ka Hazaeli a hosi ya le Siria ni le mandleni ya Ben-Hadade a nʼwana Hazaeli a masiku wontihe. Vala. 2:14; 1 Tih. 19:15

2 Tihosi 9:37

A miri wa Jezebeli wu ta fanana ni koho lomu masinwini ya petso wa Jezreeli, laha ka kuva ku nga ha wuliwi kambe ku ngalo: Loyi hi Jezebeli.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Joba 9:13

Nungungulu a nga rengisi zanga yakwe, Lava va ti kulisako va ti koramisa kakwe.

Tisimu 106:40

A zanga ya Jehova yi lo vukela tiko gakwe, Laha kaku a swireka hi tshomba yakwe.

Tisimu 114:7

Wena misava, rurumela mahlweni ka Hosi, Le mahlweni ka Nungungulu wa Jakobe;

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 68:8

A misava yi lo tsekatseka, Ni matilo ma lo nyeka mahlweni ka Nungungulu. Na Sinai i lo rurumela mahlweni ka Nungungulu, A Nungungulu wa Israeli. Ekso. 19:16, 18; Vala. 5:4

Tisimu 77:18

A kudzinza ka wena ku lo zwala lomu ka xipupuri, A zingwalangwanza zi lo woningela misava; Ni misava yi lo rurumela, yi tsekatseka.

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Tisimu 83:10

Lava va nga lobyiswa le Endor, Va mahile koho wa misava.

Eksodusi 7:19

Jehova aku ka Mosi: Byela Aroni uku: Teka a nhonga ya wena, u tlakusa a canja ga wena hehla ka mati ya vaGipite, ni hehla ka micongo, ni hehla ka micongwana yabye, ni hehla ka mativa yabye, ni hehla ka tihlowo tabye, a mati ma ta hunzuka ma maha nkhata; ni nkhata wu tava kona tikweni gontlhe ga Gipite, ni lomu zibyeni zo vatliwa ni za maribye.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 14:19

Kanilezi wena u hoxilwe kule ni xilahla xa wena khwatsi i ravi gi nga vuniko nchumu, A nguwo ya wena hi lava va delweko, va tlhabyilweko hi supado, Lava va hoxilweko maribyeni ya rinzi, khwatsi hi xirumbi xi kanzihelweko lahasi.

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

Isaya 25:11

I ta nawuluta mawoko yakwe xikari ka yona, Ku fanana ni xihlambeli loku xi kari xi hlambela; A kutikulisa kakwe ku ta tsongahatiwa, Zinwe ni wutlhari ga mandla yakwe.

Isaya 29:2

Zonake nzi ta hlokisa Arieli, Ku tava hi xirilo ni hlomulo; Ahemba lezoke, a ka mina i ta simamisa a kuva Arieli.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 51:20

A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Isaya 64:3

Laha na u mahile a zilo zo tshisa, Lezi hi nga kala hi nga rinzelangi, U lo chika kasi a zitsunga zi wa tsekatseka mahlweni ka wena.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Isaya 9:11

Jehova i ta va vuxela a valala va Rezini, A vuxa ni valala vakwe khatiginwe:

Isaya 9:16

Hakuva a varangeli va tiko legi va gi hambukisa, Ni lava va rangelwako ha vona va lobyiswa.

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 9:20

Va wutla hi tlhelo ga xinene, kanilezi vazwa ndlala, Vaga hi tlhelo ga xibhabha, kanilezi a va xuri; Munwe ni munwani i taga a nyama ya woko gakwe.

Isaya 9:21

Manase i taga Efraime, na Efraime aga Manase; Hi wumbiri gabye va ta vukela Juda. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 15:3

Nzi ta va rumela mune wa makhombo, ku wula Jehova: A supado yi ta va hlasela, a timbyana ti ta va tlukula, a tinyanyani ta tilo ni zivanza za khwati zi ta va khadamula zi va lovisa. Levi 26:16; Deut. 28:26

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 17:4

Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Jeremia 4:8

Hikwalaho ti boheni a tinguwo ta tisakwa, Mu rila ni ku tsikwila; Hakuva a a zanga yo tshisa ya Jehova a yi sukangi ka hina.

Jeremia 6:12

A tiyindlu tabye ti ta nyikiwa vanwani, Zinwe ni masimu yabye ni vasati vabye; Hakuva nzi ta tshambuluta a canja ga mina Hehla ka vaaki va tiko, ku wula Jehova. Deut. 28:30; Mik. 5:2

Jeremia 8:2

ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Jeremia 9:22

Wula: Jehova i ngalo: A zirumbi za vanhu zi tawa kota koho lomu masinwini, Ni ku kotisa milumbi ya mutshoveli, A nga kona wa ku rolela.

Mikosi 5:22

Xana u hi tsikele magumo ke? Wa hi zangarela nguvu ke?

Ezekieli 15:6

Hikwalaho Hosi Jehova i ngalo: Nzi ta nyikela a vaaki va Jerusalema a ku khwatsi hilezi nzi nga nyikelisa zona a sinya ya vina leyi yi nga hi xikari ka tisinya ta khwati.

Ezekieli 30:25

Nzi ta seketela a mawoko ya hosi ya le Babuloni, a mawoko ya Faro ma tawa. Vona va ta zi tiva lezaku hi mina Jehova laha nzi ta nga veka a supado ya mina canjeni ga hosi ya le Babuloni, a gi nawuluta hehla ka tiko ga Gipite.

Ezekieli 6:14

Nzi ta nawuluta a woko ga mina hehla ka vona, nzi hahlula tiko gabye gi maha xiwula, gi hunza a xiwula xa Dibla, a ka gontlhe wuakelo gabye. Va ta zi tiva lezaku nzi mina Jehova.

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Amosi 8:8

A misava yi nga ta tsekatseka hi kota ya lezo ke, ni vontlhe a vaaki va yona va nga ta maha hlomulo ke? Ina, a misava yontlhe yi ta kukumuka ku fanana ni congo wa Nilo; yi ta vindluka yi tlhela yi bohla kukotisa congo wa le Gipite.

Mika 1:4

A zitsunga zi ta nyeka lahasi kakwe, ni mikova yi ta khayeka khwatsi i sera mahlweni ka nzilo, ni kukotisa mati loku ma halatwa laha nzhelelweni. Ekso. 19:18; Am. 9:5

Nahume 1:5

A zitsunga za tsekatseka: mahlweni kakwe, ni miganga ya nyeka; a misava ya kukumuka mahlweni kakwe, a tiko ni zontlhe, zi tshamako ka gona. Ekso. 19:18; Joeli 3:16; Mika 1:4

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Zefania 1:17

Nzi ta neha a hlokiselelo xikari ka vanhu, kasi va fela ku famba khwatsi zikhumu, hakuva va onhele Jehova. A nkhata wabye wu ta hangalaswa khwatsi i tshuri, hi mimiri yabye kukotisa a koho.

Deuteronome 31:17

Kanilezi a zanga ya mina yi ta vura hi lego siku, nzi va tsika, nzi fihla a nghohe ya mina ka vona, va lobyiswa, a makhombo ya ku tala ni hlomulo zi tata hehla kabye, zonake va ta ku ngalo: Kasi lawa makhombo ma tako hehla ka hina, a hi lezi Nungungulu wa hina a nga hiko kona xikari ka hina ke?

Deuteronome 31:18

Mina hakunene nzi ta fihla a nghohe ya mina lego siku, hi kota ya zontlhe zo biha lezi va ta nga zi maha, hakuva va ta hunzulukela ka vanwani vanungungulu.

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10