Isaya 49:20 - Tshwa Bible

²⁰ A vana va wena lava va nga belekiwa xikhatini xa kufelwa ka wena, Va taku tindleveni ta wena: A tiko a gi hi ringani; Hihe tiko kasi ha fela ku aka ka gona.

Isaya 49:20 ပူးပေါင်းရင်းမြစ်များ

2 Tihosi 6:1

A vapizani va vaprofeti va te ngalo ka Elixa: A yindlu leyi hi tshamako ka yona mahlweni ka wena, a yi eneli.

Isaya 29:23

Hakuva laha vana vakwe va ta nga wona mitiro ya mina xikari kabye, Va ta chava vito ga mina, va dumisa Loyi a Basileko wa ka Jakobe, Va ta chava Nungungulu wa ka Israeli.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 60:4

Tlakusa a mahlo ya wena u lunguza, Languta: va tsombene vontlhelele, vata ka wena; A vana va wena va tata hi le kule, Ni vanhwana va wena vata na va wukarelwe.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Zakaria 10:10

Nzi ta va tlhelisa va huma tikweni ga Gipite, nzi va tsombanyisa va huma tikweni ga Assiria; nzi va yisa tikweni ga Gileade ni le Lebanoni, ni wutshamu gi ta tlhela gi nga va ringani.

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Mateu 3:9

Mu nga alakanyi muku: Hi na Abrahama, a nga dadani wa hina; hakuva nza mu byela lezaku Nungungulu i na ni ntamu ku vuxela Abrahama a vanana hi maribye laya, Joh. 8:33, 39; Miti. 13:26; Rom. 4:1