Isaya 49:1 - Tshwa Bible

¹ Ingisani nwina matiko ya le bimbini, Zwanani nwina matiko ya le kule! Jehova i nzi vitanile na nza hi rumbyini ga mamani, I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31

Isaya 49:1 ပူးပေါင်းရင်းမြစ်များ

Tisimu 22:10

Kusukela kupswalweni nzi wa hi mawokweni ya wena, U Nungungulu wa mina kusukela rumbyini ga mamani.

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 24:15

Dumisani Jehova le Mutsuwuka-gambo, ni lomu kukomama ni bimbi, khesani a vito ga Jehova, Nungungulu wa ka Israeli.

Isaya 33:13

Nwina va le kule, zwanani lezi nzi zi mahileko; Na nwina va laha kusuhani, tivani a ntamu wa mina.

Isaya 41:1

Miyelani nwina matiko ya le bimbini, mu nzi ingisela! A matiko a mave ni ntamu muswa; A ma tshinele ma wulawula, A hi yeni zinwe hubyeni

Isaya 42:12

A va kulise Jehova, Va tlhatlhambutela wudumo gakwe matikweni ya le bimbini.

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Isaya 45:3

Nzi ta ku nyika titshomba ti fihlilweko. Ni cuma xi tumbetelweko matshanwini ya xihundla, Kasi wa fela ku tiva lezaku mina Jehova Loyi nzi ku vitanako hi vito ga wena, nzi Nungungulu wa ka Israeli.

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Isaya 49:12

Langutani, vata hi le kule, A vanwani va huma hi le Nwalungu, ni le Muhlwa-gambo, A vanwani va huma hi le tikweni ga Sinima.

Isaya 49:5

Makunu Jehova wa wulawula, Loyi a nga nzi wumba rumbyini ga mamani a kuva nanza gakwe, Lezaku nzi wuyiseta Jakobe kakwe, Nzi mu tsombanyisela Israeli; Hakuva nzi dzunzekile mahlweni ka Jehova, Na Nungungulu wa mina i ntamu wa mina.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 52:13

Langutani, a nanza ga mina gi ta humelela, I ta kuliswa, a dzunziwa, a tlakuswa hehla. Miti. 2:33; Fil. 2:9

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 66:19

Nzi ta yimisa a xikombiso xikari kabye; lava va ta nga pona nzi ta va rumela matikweni, vaya le Tarxixi, le Pule, ni le Ludi, lava va fulako hi mawura, le Tubale, ni le Javane, ni le matikweni ya le kule le bimbini, lawa ma kalako ma nga se kuzwa a wudumo ga mina; vona va ta tlhatlhambutela a wukulu ga mina xikari ka matiko.

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 1:5

Nzi ku tivile na nzi nga se ku ku wumba lomu rumbyini ga mamani wa wena; nzi lo ku hlawula na u nga se ku huma nyimbeni, nzi ku wumbele a kuva muprofeti wa matiko. Isa. 49:1; Gal. 1:15

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Luka 1:15

hakuva i tava wa hombe mahlweni ka Hosi. A nga tanwa a vinya ni byala, kanilezi i ta tala hi Moya wa ku Basa kusukela na hi lomo rumbyini ga nyine wakwe. Mitse. 6:3; Jer. 1:5; Gal. 1:15

Luka 1:31

U ta xura nyimba, u beleka a nisanyana, u mu chula vito gakwe aku hi Jesu. Isa. 7:14; Mat. 1:21; Xip. 2:21

Johani 10:36

xana mu nzi byela, mina loyi Dadani a nzi basisileko ni ku nzi rumela tikweni, muku: Wa rukatela; hi lezi nzi nge ngalo: Nzi Nʼwana wa Nungungulu ke? Xip. 3:17; 5:17, 18; 6:27; Lu. 1:35

Va le Galatia 1:15

Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2

Va le Efesusi 2:17

I lo ta kanela kurula ka nwina lava mu nga hi kule, ni kurula ka lava va nga hi kusuhani. Isa. 57:19; Zak. 9:10

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4