Isaya 48:9 - Tshwa Bible

⁹ Kanilezi hi kota ya vito ga mina nzi ta timisela, Hi kota ya wudumo ga mina nzi ta ti khoma, Lezaku nzi nga ku lovisi.

Isaya 48:9 ပူးပေါင်းရင်းမြစ်များ

Tisimu 106:8

Hambu zi hi tano, a va ponisa hi kota ya vito gakwe, Kasi ku tivekisa a wukulu ga ntamu wakwe.

Tisimu 143:11

Jehova, nzi hanyise hi kota ya vito ga wena, Humesa muhefemulo wa mina khombyeni hi kululama ka wena.

Tisimu 25:11

Jehova, hi kota ya vito ga wena Tsetselela kugoha ka mina, hakuva ka hombe.

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Tisimu 79:9

Hi vune, Nungungulu wa kuhanyiswa ka hina, Hi kota ya wudumo ga vito ga wena; Hi ponise, u hi rivalela a zionho za hina Hi kota ya vito ga wena.

Mavingu 19:11

A munhu a tlharihileko wa nonoka ku zangara; bukosi gakwe a ku tsetselela zihambunyeto.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 37:35

Hakuva nzi ta vikela muti lowu, nzi wu ponisela Wutsumbu ganga ni nanza ga mina Davida.

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 48:11

Hi kota ya mina wutsumbu nzi ta zi maha; Hakuva nzi nga vumelisa kuyini lezaku a vito ga mina gi nyenyeziswa? Nzi nga ta nyikela wudzunzo ga mina ka munwani.

Isaya 65:8

Jehova i ngalo: Loku ku hi ni dosi lomu ka xitata xa mauva, ve ngalo: U nga xi tsemi, hakuva xa ha hi ni zikatekiso! Minawo nzi ta mahisa lezo hi kota ya malanza ya mina: Nzi nga ta lovisa vontlhe.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Ezekieli 20:14

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona. Mitse. 14:13; Deut. 9:28

Ezekieli 20:22

Hambu zi hi tano, nzi lo tlhelisa a canja ga mina, hi kota ya vito ga mina nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona.

Ezekieli 20:44

Mu ta zi tiva lezaku hi mina Jehova, loku nzi mu mahele lezo hi kota ya vito ga mina, na ku nga hi ku kota ya mahanyela ya nwina yo biha, ni zimaho za nwina zo biha, nwina va yindlu ya ka Israeli, ku wula Hosi Jehova.

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Ezekieli 36:21

Kanilezi nzi lo xanisekela a vito ga mina gi basileko, legi a yindlu ya Israeli yi nga gi nyenyezisa xikari ka matiko, lawa va ngaya ka wona.

Joxua 7:9

Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.