Isaya 45:3 - Tshwa Bible

³ Nzi ta ku nyika titshomba ti fihlilweko. Ni cuma xi tumbetelweko matshanwini ya xihundla, Kasi wa fela ku tiva lezaku mina Jehova Loyi nzi ku vitanako hi vito ga wena, nzi Nungungulu wa ka Israeli.

Isaya 45:3 ပူးပေါင်းရင်းမြစ်များ

2 Kronekele 6:17

Jehova Nungungulu wa ka Israeli, ngha gezu ga wena, legi u gi wulileko ka nanza ga wena Davida, gi tatiseka makunu!

Ezra 1:2

Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

Eksodusi 33:12

Zonake Mosi aku ka Jehova: Languta, wena u ngalo ka mina: Humesa lava vanhu, kanilezi a ku nzi byelangi loyi u ta nga mu ruma a famba na mina! Kambe u wulawulile, Uku; Nza ku tiva wena hi vito, u kumile thomo mahlweni ka mina.

Eksodusi 33:17

Zonake Jehova aku ka Mosi: Nzi ta maha zontlhe lezi u zi wulako, hakuva u kumile thomo mahlweni ka mina, ni kambe nzi ku tivile hi vito ga wena.

Isaya 41:23

Mu hi tivisa lezi zi ta ngata anzhako ka lezi, Kasi ha fela ku zi tiva lezaku mu vanungungulu. Ina, hi nga mahani nchumu wo saseka kutani wo biha, Kasi hontlhe ha fela ku hlamaliswa.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 48:15

Hi mina wutsumbu nzi zi wulileko; Ina, nzi mu vitanile, Nzi mu tisile, nzi vuvumisa a ndlela yakwe.

Isaya 49:1

Ingisani nwina matiko ya le bimbini, Zwanani nwina matiko ya le kule! Jehova i nzi vitanile na nza hi rumbyini ga mamani, I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31

Jeremia 41:8

Kanilezi ku wa hi ni khume ga vavanuna xikari kabye, va ngaku ka Ixmaeli: U nga hi dayi; hakuva hi na ni mabako ya Zakuga hi ma fihlileko le nkoveni, a mavele ni sevada ni mafura ni wulombe. Hikwalaho i lo va tsika a nga va dayi zinwe ni vamakabye vabye.

Jeremia 50:26

Tanani, mu mu vukela matlhelweni wontihe, mu phanga a zihlangala zakwe. Mu vingereteleni aku khwatsi tinhulu, mu mu lovisa aku bhi, mu nga siyi nchumu.

Jeremia 50:37

A supado a yive hehla ka mahaxi yakwe ni tikareta takwe, ni hehla ka valuveli vontlhe lava va nga xikari kakwe, kasi va tlhela vaku khwatsi mba vavasati. A supado a yive hehla ka titshomba takwe, lezaku ti phangiwa.

Jeremia 51:13

Wena loyi u akileko lomu micongweni yo tala, u na nga ni titshomba tinyingi, a kugumelwa ka wena ku chikele, a wukamba ga wena gi mbhelile. Kuv. 17:1

Jeremia 51:53

Hambu loku Babuloni a nga tlakukela tilweni, hambu loku a tiyisa a khokhola gakwe gi tlakukileko, nzi ta mu rumela vahlaseli, ku wula Jehova.