Isaya 45:24 - Tshwa Bible

²⁴ Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Isaya 45:24 ပူးပေါင်းရင်းမြစ်များ

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Tisimu 110:2

Jehova i ta ruma a nhonga ya ntamu wa wena hi le Zioni, Fuma wena xikari ka valala va wena.

Tisimu 71:16

Nzi ta kombisa a mitiro ya ntamu wa Hosi Nungungulu, Nzi kulisa a kululama ka wena ntsena.

Tisimu 72:9

Lava va tshamako xiwuleni va ta korama mahlweni kakwe, Ni valala vakwe va ta laza a ntshuri.

Tisimu 89:17

Hakuva wena u wumbhuri ga ntamu wabye, Hi wuxinji ga wena u tlakusa a limhonzo la hina.

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 41:11

Languta, vontlhe lava va ku zangareleko va tawa tingana, va hakaseka; Lava va holovako na wena va nga ta kuva nchumu, va ta lobyiswa.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 45:25

A ka Jehova vontlhe a vana va ka Israeli va ta hlayelwa kululama, Va ti kulisa ha yena.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Habakuka 3:19

Hosi Jehova hi yena a ntamu wa mina, I ta hunzula a milenge ya mina yi fanana ni ya timhuti, I ta nzi fambisa zitsungeni za mina. 2 Sam. 22:34 A ka muchuli, ku yimbelelwa ka zitende za mina.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Zakaria 12:5

A tihosana ta ka Juda ti taku timbilwini ta tona: A vaaki va Jerusalema i ntamu wa hina ha Jehova wa tiyimpi, a Nungungulu wabye.

Zakaria 8:23

Jehova wa tiyimpi i ngalo: Masikwini lawo khume ga Vavanuna va tirimi ti tsalangeneko ta matiko, va ta khomelela nzhungweni wa nguwo wa muJuda, vaku: Hi ta famba na nwina, hakuva hi zwile lezaku Nungungulu i na nwina.

Luka 13:17

Laha a nga wula leti timhaka, vontlhe a valala vakwe va lo chelwa tingana; ni xidlemo xontlhe xi lo tsaka hi mitiro yontlhe yo saseka leyi yi nga mahiwa hi yena.

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.

Johani 12:32

Mina loku nzi tlakusilwe misaveni, nzi ta kokela vanhu vontlhe ka mina. Xip. 3:14; Rom. 5:18; Maheb. 2:9

Johani 7:37

Hi siku go gumesa, legi gi nga siku ga hombe ga mubuzo, Jesu i lo yima, aba hungu, aku: Loku munhu azwa tora, a ate ka mina, a tanwa. Levi 23:36; Isa. 55:1; Kuv. 22:17

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41

2 Pedro 1:1

Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9