Isaya 45:20 - Tshwa Bible

²⁰ Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 45:20 ပူးပေါင်းရင်းမြစ်များ

2 Kronekele 25:15

Hikwalaho Jehova i lo zangarela Amazia, a mu rumela muprofeti a yaku kakwe: U va lavela yini vanungungulu va lava vanhu, lava va nga ponisangiko a vanhu vabye mandleni ya wena?

2 Kronekele 28:23

Hakuva yena hosi Ahaza i lo phahlela ka vanungungulu va le Damasku lava va mu Wulileko, hakuva i waku: Khwatsi hi lezi a tihosi ta le Siria ti vunetelwako hi vanungungulu va tona, minawu nzi ta va tlhavela miphahlo kasi va fela ku nzi vunetelawu. Kanilezi va lo vuna a ku mu lovisa zinwe ni va ka Israeli.

Tisimu 115:8

Lava va zi mahako va ta fanana na zona; Ni vontlhe lava va zi tsumbako.

Isaya 4:2

A ka siku lego a hluke ga Jehova gi tava gi bombisilwe gi ngangamela, a mihanzu ya misava yi tava yi nene ni ya wumbhuri a ka lava va ponileko va ka Israeli. Ekso. 19:5; Lu. 10:20; Kuv. 13:8

Isaya 41:21

Tlhatihambutelani a timhaka ta nwina, ku wula Jehova; Humesani wumboni ga nwina, ku wula Hosi ya Jakobe.

Isaya 43:9

A matiko wontihe a ma tsomhanyiswa, ni vanhu vontlhe va hlengeletana. Himani xikari kabye a nga hi byelako a zilo lezi? A va hi tivise hi lezi va nga zi vumba; A va humese a timboni tabye to kombisa a kululama kabye, Kasi vanhu loku va zizwa va taku: Lisine!

Isaya 44:10

Himani a nga nga maha a nungungulu, a wumba xifananiso xi wuya xi nga mu vuni nchumu?

Isaya 44:9

Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

Isaya 46:1

Beli i vumbamile, Nebo wa korama, A zifananiso zabye zi rwaliwa hi zifuyo ni tihomu; Lezi mu nga zi rwala zi pakelwa ka zihari zi kareleko.

Isaya 48:14

Tsombanani nwina nwentlhe, mu ingisela: Himani xikari ka vona a vumbileko lezi, Lezaku loyi a ranziwako hi Jehova i ta maha kuranza kakwe hehla ka Babuloni, Ni woko gakwe gi talwa ni maKaldea?

Isaya 57:13

Loku u rila ngha a xidlemo xa zifananiso za wena xi ku ponisa! Kanilezi a mheho yi ta zi kukuleta zontlhe, A moya wu ta zi yisa kule. Kanilezi loyi a nzi tsumbako i taga tshomba ya tiko, A xitsunga xa mina xa kubasa xi ta mu lumba.

Jeremia 10:14

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko; Hakuva a zifananiso zabye mawunwa, a zi na muhefemulo.

Jeremia 10:5

A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Va le Efesusi 2:12

Alakanyani lezaku hi ka xikhati lexo mu wa hi kule na Kristu, mu wa hi handle ka wusumbulwa ga vaIsraeli, mu wa nga hi na xiavelo ka xivumelwano za xitsumbiso, na mu nga hi na kutsumba, mu nga hi na Nungungulu misaveni. Joh. 10:16; Rom. 9:4, 8; Kol. 1:21; 1 Tes. 4:13

Va le Efesusi 2:16

I lo hi tlhanganyisa ka Nungungulu hi va miri munwe hi xihambano, na a dele wulala ha xona. Rom. 6:6