Isaya 45:18 - Tshwa Bible

¹⁸ Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Isaya 45:18 ပူးပေါင်းရင်းမြစ်များ

Genesisi 1:1

A kusanguleni Nungungulu i lo vanga tilo ni misava.

Genesisi 1:2

A misava yi wa nga hi na xiwumbeko, yi nga hi na nchumu; a munyama wu wa hi hehla ka kueta ka bimbi, ni Moya wa Nungungulu wu wa tshama hehla ka mati.

Genesisi 1:26

Nungungulu i te ngalo: A hi vangeni munhu hi mufananiso wa hina, i ta fanana na hina; i ta fumela zidluwani za bimbi, ni tinyanyani ta tilo, ni zifuyo, ni misava yontlhe, ni zikokakoka zontlhe zi fambako misaveni. Tis. 8:6; Maheb. 2:7

Genesisi 1:28

Nungungulu i lo va katekisa, ni ku va laya, aku: Pswalani, mu anza, mu tata misava, mu yi fumela; mu fumela ni zidluwani za bimbi, ni tinyanyani ta tilo, ni zontlhe zi hanyako, zi fambako misaveni.

Genesisi 9:1

Na Nungungulu i lo katekisa Noa ni vana vakwe, aku ka vona: Pswalani mu anza, mu tata misava.

Tisimu 115:16

A matilo nja Jehova, Kanilezi a misava i yi nyikile ka vanana va vanhu.

Mavingu 30:4

Himani a nga nga kanziha tilweni a tlhela a chika ke? Himani a nga khomako a moya hi canja gakwe ke? imani a nga hlengeletelako mati ngubyeni yakwe ke? imani a yimisileko wontihe magumo ya misava ke? imani vito gakwe? A vito ga nʼwana wakwe himani, loku u kari u gi tiva?

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Jeremia 10:12

Yena i vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo, Gen. 1:1, 6; Isa. 45:12

Jeremia 51:15

I vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo.