Isaya 44:3 - Tshwa Bible

³ Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 44:3 ပူးပေါင်းရင်းမြစ်များ

Joba 5:25

Ni kambe u ta wona lezaku a lixaka la wena li tava la hombe, Ni lezaku a vazukulu va wena va ta tala ku fanana ni byanyi ga khwati.

Tisimu 107:35

A hunzula xiwula xi maha tiva ga mati, A humesa Zibuka misaveni yo woma, Isa. 35:7; 41:18

Tisimu 63:1

Nungungulu, wena u Nungungulu wa mina, nza ku lavisisa, A muhefemulo wa mina wuzwa tora ha wena, A miri wa mina wu navela wena. Lomu tikweni ga xikhwangula gi nga hiko na mati.

Mavingu 1:23

Hunzulukani hi kukawuka ka mina, angutani, nzi ta chulula a moya wa mina hehla ka nwina, zi ta mu maha mu tiva timhaka ta mina.

Isaya 27:3

Mina Jehova nzi muhlayisi wa xona, Nzi ta xi cheletela mati xontlhe xikhati; Nzi xi rinzela mumu ni wusiku kasi munhu a nga xi gohi.

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 48:19

Ni vana va wena va wa ta ku khwatsi i seke, Ni pswalo wa marumbu ya wena wu wa ta kotisa vunye; A vito ga wona cima gi wa nga ta susiwa, Ge hambu ku fuviswa mahlweni ka mina. Gen. 22:17; 28:14

Isaya 48:21

A va zwangi tora laha a nga va rangela ziwuleni, Hakuva i lo va khulungisela mati hi lomu ribyeni, I lo panza a ribye, a mati ma bhukula. Ekso. 17:6; Mitse. 20:11; 1 Kor. 10:4

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 55:1

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala. Mat. 11:28; Joh. 7:37; Kuv. 22:17

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Isaya 65:23

Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Ezekieli 36:27

Nzi ta mu chela a Moya wa mina nzeni ka nwina, nzi mu fambisa zilayelweni za mina, mu ta hlayisa a zileletelo za mina, mu zi maha.

Ezekieli 39:29

ge hambu ku va fihlela a nghohe ya mina kambe; hakuva nzi chulule a Moya wa mina hehla ka yindlu ya ka Israeli, ku wula Hosi Jehova. Joeli 2:28; Miti. 2:17

Ezekieli 47:8

Aku ka mina: A mati lawa ma khulungela matlhelo ya Wuca, ma relela maya Araba, ma hunzelele ma ya chela bimbini. Loku ma chelile lomu bimbini, a mati ya bimbi ma ta hunzuka mava mati ma nene.

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Joeli 2:27

Mu ta zi tiva lezaku nzi lomu xikari ka Israeli, ni lezaku hi mina Jehova a Nungungulu wa nwina, ku hava munwani handle ka mina. A tiko ga mina cima gi nga ta kuva ni tingana. Nungungulu i ta chulula a Moya wakwe.

Joeli 2:28

Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6

Joeli 3:1

Hakuva masikwini lawo, ni ka xikhati lexo nzi ta tlhelisela a vabohiwa va ka Juda ni va le Jerusalema.

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Mika 5:7

A misalela ya ka Jakobe yi tava xikari ka matiko manyingi, khwatsi i nzhokati yi tako hi ka Jehova, ni ku khwatsi madona ya vula laha ka byanyi, leyi yi nga yimiswiko hi munhu, hambu ku rinzela a vana va vanhu.

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Mateu 12:43

Kanilezi a moya wa kubiha na wu humele munhwini, wu tsemakanya a wutshanwini go kala mati, na wu lava a kuhumula, a wu ku kumi. Joba 1:7; Lu. 11:24; 1 Ped. 5:8

Mitiro 10:45

Ni makholwa wontihe ya zitshiva, lawa ma nga tile na Pedro, ma lo hlamala hilezi ni vamatiko va chululelwa a xinyikiwo xa Moya wa ku Basa.

Mitiro 2:17

Ku ta maheka masikwini ya kugumesa, ku wula Nungungulu, Nzi ta chulula a Moya wa mina hehla ka nyama yontlhe; A varisanyana va nwina ni vanhanyana va nwina va ta profeta, A majaha ya nwina ma ta wona ziwoniso, Ni zikhosana za nwina zi ta lora miloro. Isa. 44:3; Ezek. 11:19; 36:27; Joeli 2:28; Zak. 12:10; Xip. 10:45; 21:9

Mitiro 2:33

Na a tlakusilwe hi canja ga xinene ga Nungungulu, na a amukele ka Dadani a Moya wa ku Basa lowu wu tsumbisilweko, i chelile hehla ka hina lezi mu zi wonako ni lezi mu zi zwako. Fil. 2:9; Maheb. 10:12; Joh. 14:26; 15:26; Xip. 1:4; 10:45

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9