Isaya 42:20 - Tshwa Bible

²⁰ U wonile a zilo zo tala, kanilezi a ku zi khataleli; A tindleve, ti vululekile, kanilezi a ku ingisi nchumu. Mat. 13:13; Rom. 2:21

Isaya 42:20 ပူးပေါင်းရင်းမြစ်များ

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 6:9

Yena aku: Famba, u ya byela vanhu lava, uku: A kuzwa, zwanani, kanilezi mu nga zi pimi, Ni ku wona, wonani, kanilezi mu nga wonisisi. Mar. 4:12; Joh. 12:39; Miti. 28:25

Jeremia 6:10

Nzi ta byela mani, Nzi maha wumboni kasi va ingisa ke? A tindleve tabye makhuna, a va zi koti kuzwa. A mhaka ya Jehova i nzhukano kabye, a va yi ranzi.

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Ezekieli 33:32

Languta, a ka vona u fanana ni loyi a yimbelelako a lisimu la liranzo hi gezu gi tsakisako, loyi a zi tivako a kuba xitende. Hakuva vazwa a timhaka ta wena, kanilezi a va ti mahi.

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Mateu 13:13

Hikwalaho nza kanela ka vona hi mifananiso, hakuva hambu va wona, a va wonisisi, hambu vazwa a va zwisisi, ge ni ku pima.

Va le Roma 2:21

makunu wena loyi u gonzisako munwani, a ku ti gonzisi wutsumbu ke? Wena loyi u kanelako lezaku ku nga yibyiwi, wa yiva ke? Mat. 23:3

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7