Isaya 41:29 - Tshwa Bible

²⁹ Langutani, vontlhe a va vuni nchumu, A mitiro yabye a yi nyawuli; A zifananiso zabye zi wumbelweko i moya wa hava ntsena.

Isaya 41:29 ပူးပေါင်းရင်းမြစ်များ

Tisimu 96:5

Hakuva vontlhe vanungungulu va matiko zifananiso ntsena, Kasi Jehova i mahile matilo. Isa. 41:23; 1 Kor. 8:4

Isaya 17:8

Va nga ta cuwuka maganzelweni lawa ma mahilweko hi mandla yabye; Ge, hambu ku khatalela a mitiro ya titiho tabye, A zifananiso za Axtarte kutani za gambo.

Isaya 2:8

Kambe a tiko gabye gi tele hi zifananiso, va khozela a ntiro wa mandla yabye wutsumbu, lezi zi mahilweko hi titiho tabye.

Isaya 37:19

Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Isaya 41:24

Langutani, nwina a mu va nchumu, Ni mitiro ya nwina a yi nyawuli; Manyalataniso loyi a mu hlawulako.

Isaya 46:7

Va mu tlakula, va mu rwala hi makatla, Va ya mu veka wutshanwini gakwe, Zonake a tshama laho, a nga zi koti ku suka. Loku va kanyuluka kakwe a nga hlamuli nchumu, Hambu ku va ponisa zikaratweni zabye.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 5:13

A vaprofeti i mheho ntsena, a Gezu a gi kona kabye; lezi va zi wulako zi ta humelela kabye.

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Valamuli 18:17

A ntlhanu wa vavanuna lava va nga wa yile ku ya hlola tiko, va lo kanziha lomu ndlwini va ya teka a xifananiso xi vatlilweko, ni efode, ni terafime, ni xifananiso xi wumbilweko; a mupristi yena i wa yimile laha nyangweni ni 600 wa vavanuna lava va hlomileko.

1 Samueli 12:21

Mu nga dzuki mu hambuka, mu lanzela a zilo zi nga nyawuliko, lezi zi nga vuniko nchumu, ni lezi zi nga ponisiko, hakuva zilo zi nga nyawuliko.