Isaya 41:17 - Tshwa Bible

¹⁷ Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 41:17 ပူးပေါင်းရင်းမြစ်များ

Genesisi 28:15

Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.

1 Tihosi 17:8

Jehova i te ngalo ka Elija:

2 Kronekele 6:17

Jehova Nungungulu wa ka Israeli, ngha gezu ga wena, legi u gi wulileko ka nanza ga wena Davida, gi tatiseka makunu!

Tisimu 22:15

A ntamu wa mina wu womile khwatsi xirengele, A lirimi la mina li namarele tihlayeni ta mina; Wena u nzi nehele tshurini wa kufa.

Tisimu 34:6

A munhu loyi wa xisiwana i lo kombela, na Jehova i lo ingisa, A mu ponisa zikaratweni zakwe zontlhe.

Tisimu 37:25

Nzi wa hi muswa, makunu nzi wa kale, Kanilezi a nzi se nga wona a wakululama a tsikiwa, Ge hambu ku wona a vanana vakwe va kombela zakuga.

Tisimu 42:2

A muhefemulo wa mina wuzwa tora ha Nungungulu, ha yena Nungungulu a hanyako; Hi rini nzi ta ngata nzi ta woneka mahlweni ka Nungungulu ke?

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 74:21

Loyi a hlokiswako ngha a nga tlheli hi tingana, Loyi a xanisekako ni muvumali a va dumise a vito ga wena.

Tisimu 94:14

Hakuva Jehova a nga ta hoxa tiko gakwe, Hambu ku tsika a tshomba yakwe.

Eksodusi 17:3

A vanhu va wa hi ni tora hi ku vumala mati, zonake va lo holovela Mosi, vaku: U hi humesele yini le Gipite u ta hi daya hi tora, hina ni vanana va hina ni tihomu ta hina?

Eksodusi 17:6

Languta, nzi ta yima mahlweni ka wena lahaya ribyeni ga Horebe; u taba ribye, zonake gi ta humesa mati; va tanwa vanhu. Mosi i lo maha lezo mahlweni ka masingalakati ya ya ka Israeli. Mitse. 20:11; Isa. 48:21; 1 Kor. 10:4

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 43:20

Kasi a zihari za khwati zi ta nzi dumisa, A mahlolwa ni timbuwu, Hakuva nzi ta vanga mati lomu xiwuleni Ni micongo lomu xigwangweni, Kasi a vanhu va mina va hlawulekileko vanwa.

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 48:21

A va zwangi tora laha a nga va rangela ziwuleni, Hakuva i lo va khulungisela mati hi lomu ribyeni, I lo panza a ribye, a mati ma bhukula. Ekso. 17:6; Mitse. 20:11; 1 Kor. 10:4

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 55:1

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala. Mat. 11:28; Joh. 7:37; Kuv. 22:17

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Jeremia 31:25

Hakuva nzi mahile a muhefemulo wu kareleko wuku retsevele, ni mihefemulo yontlhe yi xanisekako nzi yi xurisile. Tis. 107:9; Mat. 11:28

Mikosi 4:4

A lirimi la xihlangana li namarele malakalakeni hi kota ya tora; A zisumbi zi kombela zakuga, kanilezi a nga kona ni munwe a zi phamelako.

Ezekieli 47:8

Aku ka mina: A mati lawa ma khulungela matlhelo ya Wuca, ma relela maya Araba, ma hunzelele ma ya chela bimbini. Loku ma chelile lomu bimbini, a mati ya bimbi ma ta hunzuka mava mati ma nene.

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Mateu 5:6

Va katekile lava va nga ni ndlala ya leʼzo lulama ni tora ga zona, hakuva va ta xuriswa. Isa. 55:1

Luka 16:24

I lo vitana aku ngalo: Dadani Abrahama, nzi mahele wuxinji, u ruma Lazaru, a kuva a peta wutlha ga litiho lakwe matini, a ta titimeta a lirimi la mina, hakuva nza xaniseka nguvu phingweni legi. Isa. 66:24; Zak. 14:12; Mar. 9:44

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9