Isaya 41:16 - Tshwa Bible

¹⁶ U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 41:16 ပူးပေါင်းရင်းမြစ်များ

Tisimu 1:4

A vakubiha a va nghaho; Va fanana ni mungu wu kukuletwako hi mheho. Joba 21:18

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 17:13

A mifumo yi ta maha guwa khwatsi i guwa ga mati manyingi. Kanilezi Nungungulu i ta yi kawuka, yi tsutsumela kule; Yi ta hangalaswa yiku khwatsi i mungu wa zitsunga wu hangalaswako hi mheho. Kukotisa tsutsungwani mahlweni ka bhubhutsa.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 28:5

A ka siku lego Jehova wa tiyimpi i tava xidlodlo xa wuhosi, Ni mubhodi wa wumbhuri a ka misalela ya tiko gakwe;

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 29:5

A xidlemo xa valala va wena xi taku khwatsi i tsutsungwani, Ni xidlemo xa vatsimbeketi xi ta fanana ni mungu lowu wu hahako, Zi ta humela hi xitsuketi.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 40:24

Na va ha ku byaliwa, na va ha ku xwanyiwa, A tshinya gabye na ga ha tlhava mitsu misaveni, Loku a pupuxa hehla ka vona va wuna, Ni xipupuri xi va kukuleta ku fana ni mungu.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 60:19

A gambo gi nga ta hava kuwonekela ka wena ni hlikanhi, Ge hambu nweti wu nga ta ha ku woningela, Kanilezi Jehova i tava kuwonekela ka wena ka pinzukelwa, Ni Nungungulu wa wena i tava wumbhuri ga wena. 1 Joh. 1:5; Jak. 1:17; Kuv. 21:23

Isaya 65:18

Kanilezi mu ta tsaka mu nengela ka zontlhe lezi nzi ta nga zi vanga, Hakuva Jerusalema nzi ta mu vangela migiyo. Ni vanhu va kona nzi ta va vangela litsako.

Jeremia 15:7

Nzi va heherile hi foxola le maphangweni ya tiko; A vapswali nzi va tekele a vana vabye, Nzi lovisa vanhu va mina. Hilezi va nga hunzulukangiko tindleleni tabye.

Jeremia 51:2

Nzi ta rumela a vamatiko le Babuloni, lava va ta nga mu hehera, va maha tiko gakwe gi sala gi hi phanga; hakuva hi siku ga khombo va ta gi vukela matlhelo wontihe.

Jeremia 51:20

Wena u wa hi xizeze xa mina ni matlhari ya mina ya kulwa; Nzi lo panza matiko ha wena, Ha wena nzi lo lovisa mifumo.

Jeremia 51:33

Hakuva Jehova wa tiyimpi, a Nungungulu wa Israeli, i ngalo: A nhwana wa Babuloni e khwatsi wuhulelo, a xikhatini va gi kanzihelelako; anzhako ka xikhatana a kutshovela ku ta chikela ka yena.

Danieli 2:35

Zonake a xiketse, ni wumba, ni suku, ni siliva, ni nzalama zi lo fayetelwa zinwe, ziku khwatsi muhungu laha xihulweni xa ximumu. A mheho yi lo zi kukuleta lezaku zi nga ha kumeki. A ribye legi gi ngaba a xifananiso gi lo maha a xitsunga xa hombe, gi tatisa a misava yontlhe.

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Habakuka 3:18

Hambu zi hi tano, nzi ta tsakela Jehova, Nzi tsakela a Nungungulu wa kuhanyiswa ka mina.

Mateu 3:12

A lihlelo lakwe li le canjeni gakwe, yena i ta swiyelisisa a wuhulelo gakwe, a hlengeletela a mavele yakwe magombeni yakwe, kanilezi a mungu i ta wu hisa hi nzilo wu nga timekiko. Mal. 3:3; Xip. 13:30

Va le Roma 5:11

Na ku nga hi lezo ntsena, kanilezi kambe ha tsaka ka Nungungulu hi kota ya Hosi ya hina Jesu Kristu, loyi hi kumileko makunu a kutlhanganyiswa ha yena.

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11