Isaya 41:15 - Tshwa Bible

¹⁵ Languta, nzi ta ku maha uva lisumba liswa lo kariha, Lo hula ha lona li nga ni meno; U ta faya zitsunga, u zi chinza, A miganga u ta yi maha yiku khwatsi i mungu.

Isaya 41:15 ပူးပေါင်းရင်းမြစ်များ

Joba 41:30

A khwirini ga yona ku na ni zirengele zo kariha, Lomu nzhopeni yi mbambameta a zilo zo kariha.

Tisimu 18:42

Nzi lo va sila kukotisa tsutsungwani wu kukuletwako hi mheho, Nzi lo va cukumeta kota caka ga tindlela.

Isaya 17:13

A mifumo yi ta maha guwa khwatsi i guwa ga mati manyingi. Kanilezi Nungungulu i ta yi kawuka, yi tsutsumela kule; Yi ta hangalaswa yiku khwatsi i mungu wa zitsunga wu hangalaswako hi mheho. Kukotisa tsutsungwani mahlweni ka bhubhutsa.

Isaya 21:10

Yowe tiko ganga, u hulilweko liranzabyeni ku fanana ni mavele; Lezi nzi zi zwileko ka Jehova wa tiyimpi, a Nungungulu wa Israeli, Nzi zi tlhatlhambutele ka nwina.

Isaya 28:27

Hakuva a anase a yi phophiwi hi makina, Ge hambu kumine a yi huliwi hi nghonghola ya kareta; Kanilezi a anase yi phophiwa hi nhonga, Ni kumine yi huliwa hi mugomba.

Isaya 29:5

A xidlemo xa valala va wena xi taku khwatsi i tsutsungwani, Ni xidlemo xa vatsimbeketi xi ta fanana ni mungu lowu wu hahako, Zi ta humela hi xitsuketi.

Isaya 42:15

Nzi ta lovisa zitsunga ni miganga, Nzi womisa byanyi gontlhe ka zona; A micongo yi ta maha misava yi womileko, Nzi womisa mativa.

Isaya 64:1

O, loku ku wo khwatsi wa hanzula matilo u chika, Kasi a zitsunga zi wa ta tseka-tseka mahlweni ka wena, Vala. 5:4

Jeremia 51:20

Wena u wa hi xizeze xa mina ni matlhari ya mina ya kulwa; Nzi lo panza matiko ha wena, Ha wena nzi lo lovisa mifumo.

Jeremia 51:33

Hakuva Jehova wa tiyimpi, a Nungungulu wa Israeli, i ngalo: A nhwana wa Babuloni e khwatsi wuhulelo, a xikhatini va gi kanzihelelako; anzhako ka xikhatana a kutshovela ku ta chikela ka yena.

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Ezekieli 33:28

A tiko nzi ta gi maha marumbi ni xirewukiso, a matshanza ya ntamu wakwe ma ta mbhela. A zitsunga za ka Israeli zi ta hahlulwa, laha kaku ni munhu a nga hunzi hi ka zona.

Danieli 2:35

Zonake a xiketse, ni wumba, ni suku, ni siliva, ni nzalama zi lo fayetelwa zinwe, ziku khwatsi muhungu laha xihulweni xa ximumu. A mheho yi lo zi kukuleta lezaku zi nga ha kumeki. A ribye legi gi ngaba a xifananiso gi lo maha a xitsunga xa hombe, gi tatisa a misava yontlhe.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Mika 5:8

A misalela ya ka Jakobe yi tava xikari ka matiko ni ka tixaka to tala a ku khwatsi i nghala a xikari ka zihari za khwati, khwatsi i nghalana yi nga xikari ka mitlhambi ya tiyivu, leyi yi nge loku yi hunza yi kanzihela yi hanzula, na ku hi hava loyi a nga ponisako.

Habakuka 3:12

U tsemakanya tiko hi zanga, U hula mifumo hi khulo.

Zakaria 4:7

Wena xitsunga xa hombe, u xini mahlweni ka Zerubabeli? U ta maha livala ntsena. I ta veka a ribye ga le hehla na ku huwelelwa ku ngalo: A wuxinji, a wuxinji a give ka gona!

Joxua 17:18

Kanilezi a tiko ga xitsunga gi tava ga nwina; hambu lezo gi nga khwati mu ta gi xakatsa, zonake a tindlela ta kona ti tava ta nwina; hakuva nwina mu ta hlongola vaKanani, hambu loku va hi ni tikareta ta tisimbi, ni hambu loku va hi ni ntamu.

Valamuli 6:16

Jehova aku kakwe: Hizinene nzi tava na wena. U ta hlasela vaMidiani khwatsi i munhu munwe. Ekso. 3:12