Isaya 41:10 - Tshwa Bible

¹⁰ U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 41:10 ပူးပေါင်းရင်းမြစ်များ

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Genesisi 26:24

Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.

Genesisi 31:5

I te ngalo kabye: Nza zi wona lezaku a nghohe ya raru wa nwina a ya ha kotisi za tolo ni tolweni; kanilezi Nungungulu wa dadani wa mina i na mina.

Genesisi 49:24

Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

2 Samueli 22:19

Va lo nzi vimbezela a siku legi nzi nga hi khombyeni; Kanilezi Jehova a maha xiseketelo xa mina.

1 Kronekele 12:18

Zonake ku lota a Moya ka Amasai, a nduna ya tinhenha, aku: Hina hi vanhu va wena, Davida, hi zinwe na wena, wena nʼwana Jese! A kurula, a kurula a kuve na wena, a kurula a kuve ni lava va ku vunako, hakuva Nungungulu wa wena i ku vunile. Zonake Davida i lo va amukela a va veka xikari ka tinduna ta tiyimpi takwe.

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

Tisimu 144:11

Nzi hlangute, u nzi ponisa mandleni ya vamatiko, Lava milomu yabye yi wulawulako mawunwa, Ni canja gabye ga xinene gi nga canja ga kukanganyisa.

Tisimu 144:8

Lava milomu yabye yi wulawulako mawunwa, Ni canja gabye ga xinene gi nga canja ga kukanganyisa.

Tisimu 145:14

Jehova wa seketela vontlhe lava va khunguvanyekako, A olola lava va koramisilweko.

Tisimu 147:12

Jerusalema, dumisa Jehova, Zioni, dzumeleta Nungungulu wa wena.

Tisimu 18:36

U anamisile a ndlela ya mikonzo ya mina, A mikonzo ya mina a yi retemukangi.

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 29:11

Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.

Tisimu 33:12

Gi katekile a tikolegi Jehova a nga Nungungulu wa gona, Ni vanhu lava a va hlawulileko a kuva tshomba yakwe.

Tisimu 37:17

Hakuva a mawoko ya vakubiha ma ta tshobyiwa, Kanilezi Jehova wa tiyisa lava va lulamileko.

Tisimu 37:24

Hambu loku awa, a nga ta wela magumo, Hakuva Jehova i mu khomile hi woko.

Tisimu 41:12

Wena wa nzi seketela kululameni ka mina, Masiku wontihe wa nzi veka mahlweni ka wena.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

Tisimu 63:8

A muhefemulo wa mina wu na marele ka wena, A canja ga wena ga xinene ga nzi seketela.

Tisimu 65:5

U hi hlamula a kululameni hi mitiro yi rewukisako, Nungungulu wa kuhanyiswa ka hina; Wena loyi u nga kutsumba ka kontlhe kugumelwa ka misava, Ni ka bimbi legi gi nga kule. 2 Sam. 7:23

Tisimu 99:4

A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Eksodusi 20:20

Kanilezi Mosi aku ka vanhu: Mu nga chavi, hakuva Nungungulu i tile ku ta mu ringa, kasi a kuchabya kakwe kuva mahlweni ka nwina, kasi ma fela ku kala mu nga onhi.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 37:6

yena aku kabye: Mu ta wula lezi ka nwinyi wa nwina. Jehova i ngalo: U nga chavi hi kota ya timhaka leti u ti zwileko, leti a malanza ya hosi ya le Assiria ma nzi rukateleko ha tona.

Isaya 43:5

U nga chavi, hakuva nzi zinwe na wena; Nzi ta neha a vanana va wena hi le Mutsuwuka-gambo, Nzi ku tsombanyisa u huma hi le Muhlwa-gambo.

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 50:9

Langutani, Hosi Jehova i ta nzi vuna, Himani a to nzi kona ke? Vona vontlhe va ta hlakala khwatsi i nguwo, Va giwa hi tisumba.

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 60:19

A gambo gi nga ta hava kuwonekela ka wena ni hlikanhi, Ge hambu nweti wu nga ta ha ku woningela, Kanilezi Jehova i tava kuwonekela ka wena ka pinzukelwa, Ni Nungungulu wa wena i tava wumbhuri ga wena. 1 Joh. 1:5; Jak. 1:17; Kuv. 21:23

Mikosi 3:57

U lo tshinela a siku nzi nga ku vitana, Uku ka mina: U nga chavi!

Danieli 10:12

Zonake aku ka mina: Danieli, u nga chavi, hakuva kusukela a siku go ranga legi a mbilu ya wena yi nga pika ku pimisisa ni ku ti tsongahata mahlweni ka Nungungulu wa wena, a timhaka ta wena ti zwilwe; nzi tile hi kota ya timhaka ta wena.

Danieli 6:16

A hosi yi lo rumisa lezaku Danieli a khomiwa a hoxwa nkeleni wa tinghala. A hosi yiku ka Danieli: A Nungungulu wa wena loyi u mu khozelako xontlhe xikhati ngha a ku ponisa!

Hosea 1:9

Jehova aku kakwe: Mu chule a vito ga Lo-ammi, hakuva nwina a mu vanhu va mina, mina nzi nga tava Nungungulu wa nwina.

Hagai 1:13

Zonake Hagai, a ntsumi wa Jehova, i lo wulawula ni vanhu kota lezi a leletelweko hi Jehova, aku: Nzi na nwina, ku wula Jehova.

Hagai 2:5

khwatsi hi xivumelwano xa mina lexi nzi nga maha na nwina laha mu nga huma hi le Gipite, ni Moya wa mina, wu tshamile xikari ka nwina: mu nga chavi!

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Luka 1:13

Kanilezi a ngelosi yi te ngalo kakwe: U nga chavi, Zakaria; hakuva a xikombelo xa wena xi zwilwe; a sati wa wena Elizabeti i ta ku pswalela a nisanyana, u ta mu chula vito gakwe ku hi Johani.

Luka 1:30

A ngelosi yiku ngalo kakwe: U nga chavi. Maria; hakuva u kumile thomo ka Nungungulu.

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Valamuli 6:16

Jehova aku kakwe: Hizinene nzi tava na wena. U ta hlasela vaMidiani khwatsi i munhu munwe. Ekso. 3:12