Isaya 40:6 - Tshwa Bible

⁶ A gezu go kari giku: Kanela! Munwani a hlamula, aku: Nzi ta kanela yini? A nyama yontlhe yi fanana ni byanyi, Ni kusaseka kontlhe ka yona ku fanana ni xitsangi xa khwati. Joba 14:2; Tis. 90:5; Jak. 1:10

Isaya 40:6 ပူးပေါင်းရင်းမြစ်များ

Joba 14:2

Wa mila kukotisa xitsangi, zonake a wuna; Wa nyamalala kukotisa nzhuti, a nga have kona. Maheb. 13:14

Tisimu 102:11

A masiku ya mina ma fanana ni nzhuti wa laha gambyeni, Nzi wunile kukotisa byanyi. 1 Ped. 1:24

Tisimu 92:7

Loku a vakubiha va hluka khwatsi i byanyi, Ni loku a vahambunyeti va vuvuma, Zi mahiwa lezaku va lobyiswa kala kupinzuka.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 37:27

A vaaki va kona va lo vumala ntamu, Va lo dzuka, va va ni tingana; Vo khwatsi i byanyi ga khwati ni khubyanyi go nyuka; Va fana ni byanyi gi milako hehla ka tiyindlu, Ni mavele ma swileko na ma nga se ku rumbuka.

Isaya 40:3

A gezu ga loyi a bako hungu, giku: Longisani a ndlela ya Jehova lomu xiwuleni, Lulametani a gonzo ga Nungungulu wa hina lomu ligwangweni. Mat. 3:3; Lu. 1:76; Joh. 1:23

Isaya 51:12

Hi mina wutsumbu nzi mu chavelelako. U mani wena u chavako a vanhu va ta ngafa, Ni vana va vanhu va ta nga hunzuka va fanana ni byanyi;

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Jeremia 31:6

Hakuva ku ta chikela a siku legi a varinzeli va le migangeni ya Efraime va to vitana ha gona, vaku: Sukani, a hi yeni Zioni ka Jehova, Nungungulu wa hina.

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Zakaria 1:14

A ngelosi leyi yi nga wulawula na mina, yiku ka mina: Kanela uku: Jehova wa tiyimpi i ngalo: Nzi na ni xiluse xa hombe ha Jerusalema na Zioni,