Isaya 40:31 - Tshwa Bible

³¹ Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Isaya 40:31 ပူးပေါင်းရင်းမြစ်များ

Joba 17:9

Kasike loyi a lulamileko i ta khomelela ndleleni yakwe; Ni loyi a mandla ya yena ma basileko i ta enzeleka a tiya mbilu.

Tisimu 103:5

Loyi a xurisako a malembe ya wena hi malongo, Kasi ku vuxetwa a wuswa ga wena khwatsi hi ga gama. Joba 33:25; Isa. 40:31

Tisimu 123:2

Khwatsi hi mahlo ya malanza ma cuwukako a canja ga nwinyi wabye, Niku khwatsi hi mahlo ya nanza ga xisati ma cuwukako canja ga nwinyi wakwe, Zinghaho a mahlo ya hina ma langutela Jehova, Nungungulu wa hina, Kala a hi zwela wusiwana.

Tisimu 138:3

A siku legi nzi nga rila, u nzi hlamule; U nzi tiyisile, a muhefemulo wa mina wu kuma ntamu.

Tisimu 20:9

Jehova, hi nyike kuhlula, Ngha hosi yi ingisa loku hi vitana.

Tisimu 25:21

Ngha a wunene ni kululama zi nzi lonzowota, Hakuva mina nza ku langutela.

Tisimu 25:3

A ku wiswi tingana ni munwe wa lava va ku langutelako; Va ta wiswa tingana lava va kanganyisako handle ka xigelo.

Tisimu 25:5

Nzi rangele zineneni za wena, u nzi gonzisa; Hakuva u Nungungulu wa kuhanyiswa ka mina: Nzi ku rinzele xontlhe xikhati.

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Tisimu 40:1

Nzi rinzele hi lihlaza-mbilu ka Jehova, Yena i kangatele ndleve ka mina, azwa kurila ka mina.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Tisimu 84:8

Jehova, Nungungulu wa tiyimpi, ingisa kukhongela ka mina, Kangatela a ndleve, Nungungulu wa Jakobe. (Sela.)

Tisimu 92:1

Zi sasekile ku khanela Jehova, Ni ku dumisa a vito ga wena, loyi u Hunzeleleko Kutlakuka;

Tisimu 92:13

Lava va byalilweko ndlwini ya Jehova, Va ta anza lomu hubyeni ya Nungungulu wa hina.

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Mavingu 30:19

A ndlela ya gama lomu ndengelengeni; ndlela ya nyoka laha ka ribye; ndlela ya ngalava xikari ka bimbi; i ndlela ya wanuna laha nhwaneni.

Xizimba xa ka Solomoni 8:5

Himani loyi a tako hi le xiwuleni, A khegeleko laha ka muranziwa wakwe? Nzi lo ku vuxa na u hi hasi ka sinya ya mamasa, Laho u belekelweko kona hi mamani wa wena, Kwalaho a ngazwa kubayiseka, a ku beleka.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 30:15

Hakuva Hosi Jehova, a Wa ku Basa wa ka Israeli e ngalo: Loku mu tlhela ni loku mu rutisa mu ta kuma kuhanyiswa; a ntamu wa nwina mu ta wu kuma kuruleni ni kutsumbeni; kanilezi mu alile.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 41:1

Miyelani nwina matiko ya le bimbini, mu nzi ingisela! A matiko a mave ni ntamu muswa; A ma tshinele ma wulawula, A hi yeni zinwe hubyeni

Isaya 64:4

Hakuva kusukela kaleloko a ku na nga zwiwa, A ku na nga ingisiwa hi ndleve, Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.

Isaya 8:17

Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Jeremia 48:15

Moabi i hahlulwe, a miti yakwe yi tuvika a musi, A majaha yakwe ma hlawulekako ma chikile maya kudaweni, Ku wula Hosi leyi a vito ga yona a nga Jehova wa tiyimpi.

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Luka 18:1

Yena i lo kanela kabye a mufananiso xungetano ni lezaku va fanele ku khongela a xikhati xontlhe, va nga Xip. 11:5; Rom. 12:12; Kol. 4:2

Va le Roma 8:25

Kanilezi loku hi tsumba lezi hi nga zi woniko, zonake ha zi lavelela hi kuhonisela.

2 Va le Korinte 4:1

Kota lezi hi nga ni ntiro lowu, hi wuxinji legi hi mahelweko gona, a hi mbheli ntamu;

2 Va le Korinte 4:16

Hikwalaho a hi rereki; hambu loku a munhu wa hina wa lahandle a hlakala, a munhu wa hina wa lomu nzeni i mahiwa muswa masiku ni masiku.

Va le Galatia 6:9

Ngha hi nga karali a ku maha lezi zi nene; hakuva loku hi nga rereki hi ta tshovela hi xikhati xi faneleko. Mat. 24:13; 2 Tes. 3:13

Deuteronome 32:11

Khwatsi hi gama loku gi vuxa mavinyani ya gona, Na gi haha hehla ka mavinyani ya gona; I lo tshambulutisa lezo tipapa takwe, a va teka, A va beleka lomu tipapeni ta yena. Ekso. 19:4; Isa. 63:9

Deuteronome 33:25

Zikwinyaro za wena zi tava za ziketse ni za suku, A ntamu wa wena wu ta ecana ni masiku ya wena.

1 Va le Tesalonika 1:10

na mu rinzela a Nʼwana a kuta hi le tilweni, loyi yena a nga mu vuxa hi ka vafileko, a nga Jesu loyi a hi hlangutako zangeni leyi yi ta ngata. Miti. 1:11; Rom. 2:7; Fil. 3:20; Maheb. 9:28; 2 Ped. 3:12; Kuv. 1:7

Maheberu 12:1

Hikwalaho kota lezi hi ranzelweko hi xidlemo xa hombe xa vakustumunyu, a hi hoxeni zontlhe lezi zi hi binzisako, hi tsika ni kuonha loku ku hi namarelako, hi tsutsuma hi kutiyisela a kusiyana loku ku vekilweko mahlweni ka hina, 1 Kor. 9:24; Kol. 3:8

Maheberu 12:3

Ina, alakanyani yena loyi a nga timisela a kukanetwa ka kunghaho hi vaonhi, lezaku mu nga rereki, mu mbhela ntamu mihefemulweni ya nwina. Mat. 10:24

Joxua 14:11

Hambu lezo ni nyamutlha lezi nza ha tiyile, khwatsi hi siku lego nzi nga rumiwa hi Mosi; a ntamu wa mina wa lexi xikhati wa fanana ni wa xikhatini xa kale, a kulweni kutani ku rangela vanhu.

Kuvululelwa 12:14

Ni wasati i lo nyikiwa a tipapa timbiri ta gama ga hombe, lezaku a fela ku purumela xiwuleni, a ka wutshamu legi a ta nga wundliwa kona a xikhati, ni zikhati zimbiri, ni khihlanya ga xikhati, a hi kule ni nyoka. Ekso. 19:4; Dan. 7:25; Xip. 17:3

Kuvululelwa 2:3

U na ni kutimisela, na u xaniseka hi kota ya vito ga mina, a ku karatangi.

Kuvululelwa 4:7

A ximahwa xo sangula xi wa fanana ni nghala, ni ximahwa xa wumbiri xi wa fanana ni role, ni ximahwa xa wunharu xi wa hi ni nghohe yo khwatsi nja munhu, ni ximahwa xa wumune xi wa fanana ni gama gi purumako. Ezek. 1:10; 10:14

Valamuli 16:28

Zonake Samsoni i lo vitana ka Jehova, aku: Hosi Jehova, nzi alakanye! Nungungulu nzi nyike ntamu zalezi, nzi ti photela a mahlo ya mina ya mambiri ka maFilistia. Maheb. 11:32