Isaya 40:28 - Tshwa Bible

²⁸ A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 40:28 ပူးပေါင်းရင်းမြစ်များ

Genesisi 21:33

Abrahama i lo byala a tisinya le Berexeba, i lo khongela laho a vito ga Jehova. Nungungulu wa pinzukelwa.

Joba 38:18

U wonile a kuanama ka misava ke? Tlhatlhambutela loku u zi tiva zontlhe lezi.

Tisimu 138:8

Jehova i ta hetisa a ntiro wakwe a nzi tirelako wona. Jehova, a wuxinji ga wena ga kala kupinzuka; U nga tsiki a mitiro ya mandla ya wena.

Tisimu 139:6

A kutiva ka kunghahi ka nzi hlamalisa, Ku tlakukile, a nzi zi koti ku ku pima.

Tisimu 145:3

Jehova ngwa hombe, i fanekelwe hi kudumiswa, A wukulu gakwe a gi na ku pimiwa.

Tisimu 147:5

A Hosi ya hina nja hombe, yi na ni ntamu wa hombe; A wutlhari ga yona a gi na lipimo. Rom. 11:33

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Isaya 37:26

Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Isaya 40:21

A mu zi tivi ke? A mu zi zwangi? A mu tiviswangi hi kusanguleni ke? A mu zi pimangi a kutumbulukeni ka misava ke?

Isaya 42:4

A nga ta mbheta ntamu, ge ni ku karata, Kala loku a yimisile kululama laha misaveni; A matiko ya le bimbini ma ta langutela nayo wakwe.

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Isaya 66:9

Xana mina nzi buvisako a nyimba nzi nga tsona ntamu wo beleka ke? Mina loyi nzi hefemulisako nzi nga vala timbeleko ke? Ku wula Nungungulu wa wena.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Marku 16:14

Zonake i lo woneka ka vakhume ni munwe na va tshamile kugeni; i lo va sola hi kungakholwi kabye ni kunonoha ka timbilu tabye, hakuva a va nga kholiswangi hi lavo va nga mu wonile laha na a vukile. Lu. 24:36; Joh. 20:19; 1 Kor. 15:5

Marku 9:19

Jesu i lo hlamula, aku: Nwina xizukulwana xi nga kholwiko, ku ta kala rini nzi hi na nwina ke? nzi ta timisela ha nwina kala xikhati muni? Mu neheni ka mina.

Luka 24:25

Yena aku ngalo kabye: Maphuphulu nzi nwina ya vanhu va mbilu yi nonokako ku kholwa zontlhe lezi zi kanelweko hi vaprofeti!

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

Johani 5:17

Jesu i lo hlamula, aku: Dadani wa ha tira ni lezi, na mina nza tira. Xip. 9:4; 14:10

Mitiro 13:47

Hakuva zinghaho a Hosi yi hi layile, yiku: Nzi ku yimisile a kuva a kuwonekela ka vamatiko, Kasi uva kuhanyiswa kabye ku kala le magemeta-musi. Isa. 49:6

Va le Roma 16:26

kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; 2 Tim. 1:10

1 Va le Korinte 2:16

Hakuva himani a ku tivileko a kupima ka Hosi, lezaku a kala a yi gonzisa ke? Kanilezi hina hi na ni kupima ka Kristu. Joba 15:8; Tis. 25:14; Isa. 40:13; Joh. 15:15; Rom. 11:34

1 Va le Korinte 6:16

A mu zi tivi lezaku loyi a ti tlhanganisako ni xibhayi i maha miri munwe zinwe naxo ke? Hakuva i ngalo; Lava vambiri va ta maha nyama yinwe. Gen. 2:24; Mat. 19:5

1 Va le Korinte 6:19

A mu zi tivi lezaku a miri wa nwina i tempeli ya Moya wa ku Basa lowu wu nga nzeni ka nwina, lowu mu nyikilweko wona hi Nungungulu ke? Nwina a mu va nwina venyi, 2 Kor. 6:16; Rom. 14:7

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

Va le Filipi 1:6

Nza tsumba lezaku loyi a nga sangulisa a ntiro wo saseka ka nwina, i ta wu mbhelelisa ka kala sikwini ga Jesu Kristu. Joh. 6:29

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

1 Samueli 2:10

A valala va Jehova va ta pswandlaswa, I ta va dzinzela na hi tilweni. Jehova i ta lamula a magumeso ya misava; I ta nyika ntamu ka hosi yakwe, A tlakusa a limhonzo la a totilweko wakwe.