Isaya 37:4 - Tshwa Bible

⁴ Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 37:4 ပူးပေါင်းရင်းမြစ်များ

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

2 Tihosi 17:18

Hikwalaho Jehova i lo zangarela va ka Israeli, a va susa mahlweni kakwe, ku nga sali nchumu ka vona, ahandle ka nyangwa ya ka Juda basi.

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

2 Kronekele 28:19

Hakuva Jehova i kanzihele va ka Juda hi kota ya Ahaza a hosi ya va ka Israeli, hakuva i lo hambunyeta yontlhe milayo lomu tikweni ga ka Juda, a maha kubiha ka hombe a onhela Jehova.

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Tisimu 50:21

Lezi zilo u zi mahile, kanilezi mina nzi lo rutisa, U kala u alakanya lezaku mina nzi fana na wena. Kasike nzi ta ku laya, nzi xaxameta zontlhe mahlweni ka wena.

Isaya 1:8

Ku sele ntsena a nhanyana wa Zioni khwatsi xikupe le xivineni, khwatsi i xaxa le sinwini ga mariwa, khwatsi i muti wu vimbezelweko.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 10:20

A xikhatini lexo a misalela ya va ka Israeli, Ni lava va ponileko va yindlu ya ka Jakobe, Va nga ta ha khigela ka loyi a va bileko; Kanilezi va ta tsumba Jehova, Loyi a Basileko wa ka Israeli.

Isaya 10:22

Hakuva hambu loku a vanhu va wena, Israeli, Va ku khwatsi i seke ga bimbi, Misalela yabye ntsena yi ta nga wuya. A kulobyiswa ku tiyisilwe, ku tele hi kululama.

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 36:13

Zonake Rabxake i lo tshinela a kanyuluka hi gezu ga hombe hi lirimi la xijuda, aku: Ingisani a gezu ga hosi ya hombe, a hosi ya le Assiria!

Isaya 36:18

Tlharihani, mu nga khongotelwi hi Hezekia, aku: Jehova i ta hi tlhatlhisa! Ku kona ni nungungulu munwe wa vamatiko a tlhatlhisileko tiko gakwe mandleni ya hosi ya le Assiria ke?

Isaya 36:20

Hi wihi xikari ka vanungungulu vontlhe va matiko a tlhatlhisileko tiko gakwe mandleni ya mina, ko kala Jehova a tlhatlhisa Jerusalema canjeni ga mina ke?

Isaya 37:17

Jehova, kangatela a ndleve ya wena, u ingisa; Jehova, vulula mahlo ya wena u wona. Zwana timhaka tontlhe ta Sennakeribe leti a ti rumeleko ku ta rukatela ha tona a Nungungulu a hanyako.

Isaya 37:31

Ni misalela leyi yi ponileko ya yindlu ya ka Juda yi ta tlhava timitsu lahasi, yi pswala mihanzu.

Isaya 37:32

Hakuva hi le Jerusalema ku ta huma misalela, ni lava va nga pona xitsungeni xa Zioni. Lezo zi ta maheka hi kupangama ka Jehova wa tiyimpi.

Isaya 37:5

Laha a malanza ya hosi ma ngata ka Isaya,

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Jeremia 26:19

Xana Hezekia hosi ya ka Juda, ni gontlhe tiko ga Juda, va mu dele ke? Xana a nga chavangi Jehova, a kombela thomo ga yena, kasi Jehova a hunzuluka a ka khombo lego a nga wa wulile ha vona? Kanilezi hina hi mahela a mihefemulo ya hina a kubiha ka hombe.

Jeremia 42:2

va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;

Danieli 2:18

lezaku va kombela a wuxinji ga Nungungulu wa le tilweni xungetano ni fihlakalo lowu, kasi Danieli ni vanghana vakwe va nga lobyiswi zinwe ni titlhari tinwani ta Babuloni.

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Amosi 7:2

Laha na yi mhhetile a kuga a byanyi gontlhe ga tiko, nzite: Hosi Jehova, hi nga zwela wuxinji! Jakobe i ta yimisa kuyini, lezi a nga tsongwani?

Va le Roma 9:27

Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12

Joxua 14:12

Makunu nzi nyike a tiko ga xitsunga legi Jehova a nga gi wula lego siku; hakuva u zi zwile ha wece gwalego siku, lezaku va ka Anake va kona, ni miti ya hombe leyi yi bhiyelweko. Kutani Jehova i tava zinwe na mina, nzi va hlongola, khwatsi hi lezi Jehova a wulileko.

1 Samueli 12:19

Makunu vontlhe vanhu va te ngalo ka Samueli: Kombelela malanza ya wena ka Jehova Nungungulu wa wena, kasi hi ngafi, hakuva hi engetele kuonha ka hina hi lezi hi nga ti kombelela hosi.

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.

1 Samueli 7:8

A va ka Israeli vaku ka Samueli: U nga gumesi ku hi kombelela ka Jehova Nungungulu wa hina, kasi a fela ku hi ponisa mandleni ya vaFilistia.