Isaya 37:26 - Tshwa Bible

²⁶ Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Isaya 37:26 ပူးပေါင်းရင်းမြစ်များ

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

Tisimu 17:13

Vuka, Jehova, u mu tlhangaveta, u mu wisa lahasi, Lwela muhefemulo wa mina hi supado ya wena ka loye wo biha.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Isaya 10:15

A xihloka xi nga ti dzunza ka loyi a tsemako ha xona ke? Ni saho gi nga ti kulisa ka loyi a sahako ha gona ke? A ku khwatsi hi loku a nhonga yi wa ta tsekatsekisa a woko ga loyi a yi tlakusako, Ni loku a xigomba xi wa ta tlakusa loyi a nga hiko sinya!

Isaya 17:1

Langutani, Damasku a nga ha ta kuva muti, Kanilezi i tava nhulu ya marumbi. Jer. 49:23; Am. 1:3

Isaya 22:11

Mu kelile rinzi xikari ka tigingisi timbiri mu hlengeletela a mati ya tiva ga kale, kanilezi a mu langutelangi ka Mumahi wa gona, hambu ku khatalela loyi a nga gi wumba kaleloko.

Isaya 40:21

A mu zi tivi ke? A mu zi zwangi? A mu tiviswangi hi kusanguleni ke? A mu zi pimangi a kutumbulukeni ka misava ke?

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Mitiro 2:23

loyi a nyikelweko ntanwini wa nwina, hi khungo gi tiyileko ga Nungungulu, ni kutiva kakwe ka kale; nwina mu mu belele, mu mu daya hi mandla ya zihunza-milayo. Lu. 24:44; Xip. 4:28

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22