Isaya 35:9 - Tshwa Bible

⁹ Yi nga tava ni nghala, Ne ni zivanza zo leva zi nga tava kona, Zi nga ta kumeka lomo; Kanilezi yi ta famba lava va tlhatlhisilweko.

Isaya 35:9 ပူးပေါင်းရင်းမြစ်များ

Tisimu 107:2

Ngha lava va tirulweko va Jehova va wula lezo, Lava a va tiruleko mandleni ya nala;

Eksodusi 15:13

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Isaya 1:27

Zioni i ta tlhatlhiswa hi nongameto, ni vahunzulukileko va gona hi kululama.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 30:6

A xiprofeto xungetano hi zivanza za tiko ga Dzonga. Va rwexa a pfuno wabye ni titshomba tabye ka timbongola ni makameli, Vaya tsemakanya tikweni ga zikarato ni hlomulo, Laho ku tako ha kona a nghala ya pswele ni ya matsune, Zinwe ni phiri ni drako gi purumako, Kasi kuya tikweni legi gi nga zi kotiko ku va bhinzulela nchumu.

Isaya 43:19

Langutani, nzi ta maha a xilo xiswa; Xi sina xi woneka, a mu xi woni ke? Nzi ta bhoxa ndlela lomu xiwuleni, Ni micongo lomu ligwangweni,

Isaya 5:29

A kudzuma kabye ku fanana ni ka pswele ga nghala, Va dzuma khwatsi tinghalana; Ina, va dzuma loku va khoma a pfimba wabye, va wu yisa kule, Ku hava loyi a nga wu tlhatlhisako.

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Isaya 63:4

Hakuva nzi wa xuvile a siku ga kutiphotela, A lembe ga mina go va tirula gi chikele.

Isaya 65:25

A hlolwa ni yivana zi taga zinwe A nghala yi taga byanyi khwatsi i homu; Ni nyoka yi taga ntshuri. Va nga ta lamata hambu ku lovisa Lomu xitsungeni xontlhe xa mina xi basileko, Ku wula Jehova.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Ezekieli 34:25

Nzi ta maha a xivumelwano xa kurula zinwe navo, nzi hetisa a zivanza laha tikweni. Va ta aka hi kurula lomu xiwuleni, va etlela ni lomu makhwatini.

Ezekieli 34:27

A tisinya ta lomu nkoveni ti ta pswala mihanzu ya tona, ni misava yi ta humesa mihanzu ya yona, va ta tshama hi kurula tikweni gabye. Va ta zi tiva lezaku hi mina Jehova laha nzi ta nga tshova a muyoka wabye, nzi va tlhatlhisa mandleni ya lava va nga va maha tikhumbi.

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Levi 26:6

Nzi ta vanga kurula lomu tikweni ga nwina; mu ta etlela khwatsi na mu nga dzukiswi hi munhu. Nzi ta hetisa zivanza lomu tikweni ga nwina, ni supado yi nga ta enghena lomu tikweni ga nwina.

Va le Galatia 3:13

Kristu i lo hi tirula ka nzhukano ya nayo, laha a nga mahiwa a nzhukano hi kota ya hina; hakuva ku tsalilwe ku ngalo: I rukatelwe mani na mani loyi a hayekilweko sinyeni, Deut. 21:23

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

1 Pedro 1:18

Ma zi tiva lezaku mu tirulwe mahanyeleni ya nwina ya hava, lawa mu tolovetilweko wona hi vakoko va nwina, 1 Kor. 6:20

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24