Isaya 34:6 - Tshwa Bible

⁶ A supado ya Jehova yi tele hi nkhata; yi womelele mafura; Hi nkhata wa tiyivana ni timhongo, Ni mafura ya tiswa ta tihamba; Hakuva Jehova i na ni kutlhabyiwa le Bozra, Ni kuhihirita ka hombe tikweni ga Edome.

Isaya 34:6 ပူးပေါင်းရင်းမြစ်များ

2 Samueli 1:22

A wura ga Jonatani a ga ha wuyangi kambe Hi le nkhateni wa lava va delweko, Hi le ka mafura ya tinhenha; Ni supado ya Saule a yi tlhelangi yi hi phanga.

1 Kronekele 1:44

Ku lofa Bela, ku fuma Jobaba nʼwana Zera wa le Bozra, xikhundleni xakwe.

Tisimu 137:7

Jehova, alakanya a vana va Edome, Lava va ngaku ngalo hi siku ga khombo ga Jerusalema: Hahlulani, hablulani, kala xiseketelweni xa gona.

Isaya 29:2

Zonake nzi ta hlokisa Arieli, Ku tava hi xirilo ni hlomulo; Ahemba lezoke, a ka mina i ta simamisa a kuva Arieli.

Isaya 34:5

Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Isaya 63:3

Nzi wa kanzihele lomu xigowolweni xa vinya na nzi hi nzoce, Ni munwe xikari ka matiko nzi wa nga hi naye. Ina, nzi va kanzihelele zangeni ya mina, Nzi va ganyetela hi kota ya khulo ga mina; Ni nkhata wabye wu phandlukele a tinguwo ta mina, Nzi nyenyezisa a nguwo ya mina yontlhe.

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Jeremia 12:12

A vahahluli va tile le zitsungeni zontlhe za xiwula, Hakuva a supado ya Jehova yi khadamula ku sukela magumo kala magumo manwani ya tiko; A ku na munhu ni munwe a tova ni kurula.

Jeremia 25:34

Nwina varisi,: huwelelani mu rila; Puluwunzani khumeni nwina vahombe va ntlhambi; Hakuva a masiku ya kuchabyiwa ka nwina ma tshinele. Nzi ta mu hangalasa, mu tawa Kota a xibya xa lisima.

Jeremia 46:10

Hakuva i siku ga Hosi, Jehova wa tiyimpi, A siku ga ku photela, a ti photela valala vakwe. A supado yi taga yi xura, yi tlhela yi popiwa hi nkhata wabye. Hakuva Hosi Jehova wa tiyimpi i na ni muphahlelo tikweni ga le Nwalungu Le congweni wa Eufrate.

Jeremia 49:13

Hakuva nzi hlambanyile hi wutsumbu ganga, ku wula Jehova, lezaku Bozra gi ta hunzuka giva tiko ga xikhwakhwa, giva xiruko, gi hahluka, giva nzhukano; a miti yontlhe ya kona yi tava marumbi ya simasima.

Jeremia 49:7

Xungetano ni ha Edome: Jehova wa tiyimpi i ngalo: Le Temani a ga ha hi kona wutlhari ke? A titlhari a ta ha hi na wusungukati ke? A wutlhari gabye gi mbhelile ke? Isa. 21:11; Ezek. 25:12; Am. 1:11

Jeremia 50:27

Tlhavani tontlhe a tikuzi takwe, a tiye wuxinjelweni. Khombo ka vona, hakuva a siku gabye gi chikele, a xikhati xa kutsayiswa kabye.

Jeremia 51:40

Nzi ta va yisa kutlhabyiweni ku kotisa tiyivana, Vaku khwatsi tihamba zinwe ni timhongo.

Ezekieli 21:10

Yi lotelwe ku hlasela, yi kutliwa kasi ya fela ku kwezima. Xana hi nga tsaka ke? A nhonga ya nʼwana wa mina yi kanyisa tontlhe tisinya.

Ezekieli 35:15

Khwatsi hilezi wena u nga tsaka hi kuhahluka ka tshomba ya yindlu ya ka Israeli, mina nzi ta maha lezo na wenawu. U ta hahluka, wena xitsunga xa Seire u maha xiwula, ni tiko gontlhe ga Edome; zonake va ta zi tiva lezaku hi mina Jehova.

Ezekieli 35:8

Nzi ta tata a zitsunga zakwe hi zirumbi; lomu migangeni ya wena, ni lomu minzhelelweni ya wena, ni lomu micongweni ya wena, ku tawa lava va delweko hi supado.

Amosi 1:11

Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Deuteronome 32:14

Ni mawomba ya tihomu, ni masi ya timbuti, Ni mafura ya tiyivu; Ni tihamba leti ti pswalilweko le Baxani, ni timhongo, Ni mapa ya mavele ma nanaselweko khwatsi. Mu nwile a vinya go nanziha, gi nga nkhata wa mauva.

Deuteronome 32:41

Loku nzi lota a xingwalangwanza xa tlhari ga mina, Ni loku nzi lamula hi canja ga mina, Nzi ta ti photela ka valala va mina, Nzi ta tlhelisela lava va nzi vengako.