Isaya 32:17 - Tshwa Bible

¹⁷ A ntiro wa kululama wu tava kurula, Ni mihanzu ya kululama yi tava kuhumula ni kutsumba kala kupinzuka.

Isaya 32:17 ပူးပေါင်းရင်းမြစ်များ

Estere 9:30

I lo hangalasa mapapilo ka vaJuda vontlhe va nga lomu ka 127 wa matiko ya mufumo wa Ahasuerusi, ya timhaka ta kurula ni wunene,

Tisimu 119:165

Va na ni kurula ka hombe lava va ranzako nayo wa wena, A xi kona xo va khunguvanyisa.

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Tisimu 85:8

Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

Mavingu 1:33

Kanilezi ni wihi loyi a nzi ingisako i tshama kuruleni, ta rutisa, cima a nga tava ni kuchava makhombo.

Mavingu 14:26

Kuchaveni ka Jehova ku na ni kutsumba; i vana vakwe va tava ni wutshamu ga wuchavelo.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 11:13

A wukhuxu ga ka Efraime kambe gi ta mbhela, Ni valala va Juda va ta lobyiswa; Efraime a nga ha tava na wu khuxu ha Juda, Na Juda a nga ta hlokisa Efraime.

Isaya 26:3

Loyi wa mbilu yi tiyileko u ta mu veka kuruleni, U ta mu nyika kurula hakuva i tsumba wena.

Isaya 28:12

Lava a nga va byela, aku: A humulo hi gwalegi, Tsikani vakareleko va humula; Laha ku kona kurula, kanilezi a va layangi kuzwa. Jer. 6:16; Mat. 11:28; 23:37

Isaya 30:15

Hakuva Hosi Jehova, a Wa ku Basa wa ka Israeli e ngalo: Loku mu tlhela ni loku mu rutisa mu ta kuma kuhanyiswa; a ntamu wa nwina mu ta wu kuma kuruleni ni kutsumbeni; kanilezi mu alile.

Isaya 33:6

Mu ta tshameka masikwini ya wena, A wutlhari ni wutivi gi ta vanga kuhanyiswa; Ni kuchava Jehova hi tshomba ya Zioni.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 55:12

Hakuva mu ta huma hi kutsaka, Mu rangelwa hi kurula. A zitsunga ni miganga zi ta tlhava zizimba mahlweni ka nwina, A tisinya tontlhe ta khwati ti ta phakatela mandla.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Ezekieli 39:29

ge hambu ku va fihlela a nghohe ya mina kambe; hakuva nzi chulule a Moya wa mina hehla ka yindlu ya ka Israeli, ku wula Hosi Jehova. Joeli 2:28; Miti. 2:17

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Maheberu 12:11

A kutsayisa kontlhe a ku woneki makunu na ku tsakisa, kanilezi ka xanisa; hambu zi hi tano anzhako ka xikhati ku pswala a mihanzu ya kurula ka vona lava va wundlilweko ha kona, a mhbanzo wa kululama. Jak. 3:18

Maheberu 6:11

Hina ha xuva lezaku munwe ni munwani wa nwina a simamisa ku pinyama kota lezi, lezaku ava ni kutsumba ku tiyileko kala kugumeseni; Kol. 2:2; Xip. 3:6, 14

1 Johani 4:17

A liranzo li mbhelelisilwe xikari ka hina loku hi hi ni kutiya hi tlhelo ga siku ga kulamula; hakuva kota lezi yena a nga zona, hinawu hi zalezo tikweni legi. Jak. 2:13