Isaya 32:1 - Tshwa Bible

¹ Langutani, a hosi yi ta fuma hi kululama, Ni tihosana ti ta fuma hi nongameto.

Isaya 32:1 ပူးပေါင်းရင်းမြစ်များ

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

Tisimu 45:1

A mbilu ya mina ya pupuma hi magezu yo saseka; Nziku: A lisimu la mina li xungeta a hosi; A lirimi la mina i peni ya mutsali a tlharihileko.

Tisimu 99:4

A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 11:5

A kululama ku tava lifunga la xiwunu xa yena, Ni kukholeka ku tava bhandi gakwe.

Isaya 16:5

Zonake a xitshamu xa wuhosi xa wena xi ta tiyiswa hi wumbilu; Hehla ka xona ku ta tshama mulamuli lomu tabernakelini ga Davida, Loyi a ta nga tshanza nongameto, a hatlisako ku maha kululama. Jer. 23:5; 33:15

Isaya 28:6

I tava moya wa nongameto ka yena loyi a ta ngava mulamuli, Ni wunhenha ka lava va ta nga hlongola valala le nyangweni.

Isaya 33:5

Jehova i tlakukile hakuva i tshama le hehla; I tatisile Zioni hi nongameto ni kululama.

Isaya 4:6

Ku tava kona a tenda gi vikelako a kuhisa ka gambo ni hlikanhi, giva wuchavelo ni wuponelo xikhatini xa bhubhutsa ni vula.

Jeremia 33:14

Ma hata masiku, ku wula Jehova, lawo nzi to tatisa a mhaka yi nene nzi yi wulileko hi yindlu ya ka Israeli ni xungetano hi yindlu ya ka Juda.

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Va le Roma 5:21

lezaku kota lezi a kuonha ku nga fuma kufeni, lezo kambe a tipswalo ti fela ku fuma hi kululama ku yisako wutomini ga pinzukelwa ha Jesu Kristu a Hosi ya hina.

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5