Isaya 31:6 - Tshwa Bible

⁶ Hunzulukani ka yena loyi mu mu hluwukileko, Nwina vana va ka Israeli!

Isaya 31:6 ပူးပေါင်းရင်းမြစ်များ

2 Kronekele 36:14

Tlhatakumbiri a tihosana tontlhe ta vapristi, ni vanhu va tiko va lo anzisa nguvu kuhambunyeta kabye, va lanzela manyala wontihe ya vamatiko, va nyenyezisa a yindlu ya Jehova leyi a nga wa yi basisile a kuva yakwe le Jerusalema.

Joba 22:23

Loku u tlhelela ka Nyamintamu, u ta tlhela u vuxiwa; Loku u hlongola kugoha kule ni tenda ga wena.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 29:15

Khombo ka vona lavo va fihleleko Jehova a xikungo xabye, Va maha mitiro yabye munyameni; Vaku: Hi ta woniwa hi mani, himani a hi tivako?

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 48:8

Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Jeremia 5:23

Kanilezi lava vanhu va nzi hluwukile ni kuva ni mbilu ya wukaneti; va hluwukile va famba.

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?

Ezekieli 18:32

Hakuva a nzi tsakeli a kufa ka loyi a lovako, ku wula Hosi Jehova. Hikwalaho hunzulukani, mu hanya.

Hosea 9:9

Va ti wisile kuonheni ka hombe a ku khwatsi hi masikwini ya le Gibea. I ta alakanya a zigoho zabye a vaba hi kota ya zionho zabye.

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;