Isaya 31:4 - Tshwa Bible

⁴ Hakuva Jehova i wulile ka mina, aku: Khwatsi hi nghala kutani xinghalana xi dzumako pfimbeni wa xona, Xi nga chaviko a guwa ga varisi vo tala laʼva vitanilweko, Xi nga tsutsumiko xi chava a wunyingi gabye; Hizalezo Jehova wa tiyimpi i ta relela a talwa a xitsungeni xa Zioni ni mugangeni wa kona.

Isaya 31:4 ပူးပေါင်းရင်းမြစ်များ

2 Kronekele 20:15

aku: Zwanani nwina nwentlhe vaJuda ni vaaki vontlhe va Jerusalema, na wena hosi Jehoxafate! Jehova i ngalo ka nwina: Mu nga chavi mu mbhela ntamu hi kota ya xidlemo lexi xa hombe nguvu, hakuva a yimpi leyi a hi ya nwina, kanilezi nja Nungungulu.

Eksodusi 14:14

Jehova i ta mu lwela, na nwina mu ta rutisa mu miyela. Deut. 1:30

Eksodusi 14:25

a kunula maranzani ya tikareta tabye, va ti fambisa hi kukarateka. A vaGipite vaku: A hi tsutsumeni hi chava vaIsraeli, hakuva Jehova wa va lwela, a hlasela vaGipite.

Isaya 10:16

Hikwalaho Hosi Jehova wa tiyimpi I ta wonzisa a vakulukileko va Assiria; Lahasi ka wukulu ga gona ku ta vura kukotisa a kuvura ka nzilo.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 30:32

A ka zontlhe zikhati lezi a nhonga ya Jehova yi ta nga vaba, A tingomana ni zitende zi ta vuma, Na Jehova i talwa navo hi woko gi tlakusilweko.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Jeremia 50:44

Languta, i tata kota nghala yi humako hi lomu xihlahleni xa Jordani, yiya wugelweni go nyuka. Nzi ta mu hlongola xikanwe; ni wihi loyi nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 14:3

Zonake Jehova i ta huma a yalwa ni matiko lawo, khwatsi hilezi a nga lwisa zona a sikwini ga yimpi.

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Zakaria 9:8

Nzi ta ranzela yindlu ya mina hi wugovelo, kasi ku yi vikela ka tiyimpi ti hunzako hambu ku tlhelela kona; ni muxanisi a nga ta ha hunza xikari kabye, hakuva makunu nzi yimile nzi langutela.

Kuvululelwa 10:3

Yi lo kanyuluka hi gezu ga hombe, ku khwatsi hi kudzuma ka nghala; laha na yi kanyulukile, ku lo zwakala a magezu ya ntlhanu wa kudzinza ni kumbiri.

Kuvululelwa 5:5

zonake a nghanakana ginwe giku ngalo ka mina: U nga rili, hi nga wona a Nghala ya lixaka la ka Juda, a Mutsu wa Davida, yi hlulile kasi ya zi kota ku vulula bhuku, ni ku namula a zifungo za gona za ntlhanu ni zimbiri. Gen. 49:9; Isa. 11:1, 10; Xip. 22:16