Isaya 31:1 - Tshwa Bible

¹ Khombo ka vona lava va relelako Gipite ku ya vuniwa, Lava va tsumbako mahaxi, Va tsumba tikareta hakuva tinyingi, Va tsumba vakhileli va mahaxi hakuva va nga ni ntamu, Kanilezi a va tsumbi Loyi a Basileko wa ka Israeli, Ge, hambu ku lava Jehova.

Isaya 31:1 ပူးပေါင်းရင်းမြစ်များ

Genesisi 47:17

Zonake va lo neha mitlhambi yabye ka Josefa, yena i lo va nyika zakuga, va lo neha ni mahaxi, ni tiyivu, ni tihomu, ni timbongola, zonake i lo va hanyisa hi mavele gontlhe lego lembe, hi ku xava zifuyo zabye zontlhe.

2 Kronekele 16:7

Xikhatini xwalexo, Hanani a muwoni i lota ka Asa a hosi ya ka Juda a taku kakwe: Lezi wena u tsumbileko a hosi ya le Siria, u nga tsumbi Jehova Nungungulu wa wena, hi kota ya lezi a mabutho ya hosi ya le Siria ma pswhutukile canjeni ga wena.

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

Joba 39:11

U nga yi tsumba hilezi a ntamu wa yona wu nga wa hombe ke? Kutani u ta yi leletela a mitiro ya wena ke?

Tisimu 20:7

A vanwani va tsumba tikareta, vanwani va tsumba mahaxi, Kanilezi hina hi kumbuka a vito ga Jehova, a Nungungulu wa hina.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 2:7

A tiko gabye gi tele hi siliva ni nzalama, a titshomba ta gona a ti mbheli; a tiko gabye gi tele hi mahaxi, ni tikareta tabye a ti mbheli.

Isaya 20:5

Zonake vanhu va ta rurumela, vava ni tingana hi kota ya Etiopia loyi va mu tsumbako, ni Gipite legi va nga ti dzunza ha gona.

Isaya 22:11

Mu kelile rinzi xikari ka tigingisi timbiri mu hlengeletela a mati ya tiva ga kale, kanilezi a mu langutelangi ka Mumahi wa gona, hambu ku khatalela loyi a nga gi wumba kaleloko.

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 36:6

Wena u tsumba Gipite, a lihlanga li tshobyilweko, leli li tlhavako a canja ga loyi a khigelako ka lona. Faro a hosi ya le Gipite i maha lezo ka vontlhe va mu tsumbako.

Isaya 36:9

U nga hlulisa kuyini wena ni yinwe ya tinduna leʼti tsongwani ta hosi ya mina? U tsumba Gipite lezaku u ta kuma kona tikareta ni vakhileli va mahaxi ke?

Isaya 43:15

Hi mina Jehova, a Wa ku Basa wa nwina, A muvangi wa Israeli, a Hosi ya nwina.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Isaya 57:9

U yile le hosini ni mafura, U anzisa mafura ya wena yo nuhela; U rumile kule a mitsukano ya wena, U yi rumela ni le Xeoli.

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Jeremia 17:5

Jehova i ngalo: I rukatelwe a munhu loyi a tsumbako munhu, A mahako nyama yiva woko gakwe, A mbilu yakwe na yi hambene na Jehova.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 37:7

Jehova a Nungungulu wa Israeli i ngalo: Byelani hosi ya ka Juda loyi a nga mu rumela ka mina a ku ta nzi wutisa, muku: A yimpi ya Faro leyi yi humeleko a kuta mu vuna, yi ta tlhelela a tikweni ga yona a Gipite.

Jeremia 42:14

muku; E, hi taya tikweni ga Gipite lomu hi to kala hi nga woni yimpi, ge hambu a kuzwa a guwa ga mpunzu, kutani kuzwa ndlala; hi lomo hi ta nga ya aka kona.

Ezekieli 17:15

Kanilezi i yi hluwukile hi ku rumela a mitsukano le Gipite, kasi va fela ku mu nyika mahaxi ni yimpi ya hombe. I ta kula ke? A nga pona loyi a mahako a zakunghaho ke? A nga tshova a xivumelwano a wuya a pona ke?

Ezekieli 29:16

Wu nga ta ha tsumbiwa hi yindlu ya ka Israeli, hakuva wu ta va alakanyisa hi kuonha kabye laha va nga hunzulukela ka wona. Va ta zi tiva lezaku hi mina Hosi Jehova.

Danieli 9:13

A khombo gontlhe legi gi hi wele khwatsi hilezi ku tsalilweko nayweni wa Mosi. Kanilezi a hi kombelangi a wuxinji ga Jehova a Nungungulu wa hina, hi ku tsika zigoho za hina, hi chela kota hi zinene za wena.

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Hosea 11:9

Nzi nga ta humesa a kutshisa ka zanga ya mina, nzi nga ta tlhela nzi lovisa Efraime. Hakuva nzi Nungungulu, a nzi munhu; nzi Loyi wo Basa a nga xikari ka nwina, nzi nga ta enghena mutini hi zanga. Mitse. 23:19; 1 Sam. 15:29

Hosea 14:3

Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

Hosea 7:7

Vontlhe va hisa ku fanana ni njalo, vaga a Valamuli vabye; a tihosi tabye tontlhe ti wile, ku hava ni munwe a nzi khongelako.

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Habakuka 3:3

Nungungulu wata hi le Temani, Loyi wa ku Basa wata hi le xitsungeni xa Parani. (Sela.) A kungangamela kakwe ku fenengeta a matilo, A misava yi tele hi kudumiswa kakwe. Ekso. 19:16; Deut. 33:2

Zakaria 10:5

Va ta fanana ni tinhenha leti ti kanzihelelako a valala va tona lomu nzhopeni ya ndlela le yimpini. Va talwa, hakuva Jehova i zinwe na vona; a vakhileli va mahaxi va tawa tingana.

Deuteronome 17:16

Ntsena lezaku a nga ti longiseli a mahaxi yo tala, hambu ku zwanana ni Gipite kasi kuva ni mahaxi yo tala; hakuva Jehova i te ngalo ka nwina: Mu nga ha tlheli kambe muya hi ndlela leyo. 1 Tih. 10:26, 28; Isa. 31:1

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.