Isaya 30:9 - Tshwa Bible

⁹ Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 30:9 ပူးပေါင်းရင်းမြစ်များ

2 Kronekele 33:10

Jehova i lo wulawula ka Manasa zinwe ni vanhu vakwe, kanilezi cima a va ingisangi.

Tisimu 78:8

Va nga fanani ni vararu vabye, A xizukulwana xa xikaha ni kuhluwuka, A xizukulwana xi nga hiko na mbilu yo tiya, Lexi a moya wa xona wu nga kholekangiko ka Nungungulu Ekso. 32:9; 33:3; 34:9

Tisimu 81:12

Hikwalaho nzi lo va tsika kunonoheni ka timbilu tabye, Va lo famba hi makungo yabye. Ezek. 20:25; Miti. 14:16; Rom. 1:24

Mavingu 28:9

Loyi a valako ndleve yakwe legaku a ngazwi nayo, i mukombelo wakwe wu tava manyalataniso.

Isaya 1:10

Zwanani mhaka ya ka Jehova nwina vafumeli va Sodoma; ingisani nayo wa Nungungulu wa hina, nwina vanhu va Gomora.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 24:5

Ni misava yi nyenyezisilwe hi vaaki va yona, Hakuva va hambunyetile milayo, va hunzule ziyimiso; Va tshova xivumelwano xa kala kupinzuka.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 48:4

Hakuva nzi wa zi tiva lezaku wa nonoha, Lezaku a nhamu ya wena i siha wa xiketse, Ni ximombo xa wena i suku. Ekso. 32:9; 33:5; Jer. 6:28

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 63:8

Hakuva i te ngalo: Hakunene, mbanhu va mina, A vanana va ta nga kala va nga hluwuki; Zinghaho ava muhanyisi wabye.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Jeremia 35:14

A timhaka ta Jonadaba nʼwana Rekabe, leti a layileko vana vakwe lezaku va nganwi vinya, va ti hlayisile; a va nwangi kala nyamutlha lezi, hakuva va ingisile a nayo wa raru wabye. Mina nzi wa sina nzi mu byelile kambe ni kambe, kanilezi a mu nzi ingisangi.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Ezekieli 24:3

Wulawula hi mufananiso ka yindlu ya vahluwuki, uku: Hosi Jehova i ngalo: Xungeta a mbita, yi kungete u chela mati.

Hosea 4:2

Ku kona ntsena ku hlambanya mawunwa, ni kukhohlisa, ni kudaya, ni wukamba, ni wubhayi; va tira hi tihanyi, ku halatwa nkhata.

Zefania 3:2

A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Deuteronome 32:20

Aku: Mina nzi ta va fihlela a nghohe ya mina, Nza nga wona lezi zi to humelela, Hakuva lixaka la ku gombonyeka, I vanana va nga tsumbekiko.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6