Isaya 30:32 - Tshwa Bible

³² A ka zontlhe zikhati lezi a nhonga ya Jehova yi ta nga vaba, A tingomana ni zitende zi ta vuma, Na Jehova i talwa navo hi woko gi tlakusilweko.

Isaya 30:32 ပူးပေါင်းရင်းမြစ်များ

Genesisi 31:27

U nyemukela yini hi le xihundleni ke? U nzi nyemuka, u nga nzi byeli, kasi nza fela ku ku heleketa hi kutsaka, ni tisimu, ni zitende, ni magubhu?

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

Joba 16:12

Nzi wa hi kuruleni, kanilezi i nzi hlukutile: I nzi khomile hi nhamu a nzi pswhandlasa fufanyi; I lo nzi yimisa kuva xipotiyelo xakwe.

Isaya 10:24

Hikwalaho, a Hosi, Jehova wa tiyimpi, e ngalo: Nwina vanhu va mina mu akileko le Zioni, mu nga chavi Assiria; hambu loku a kuba hi nhonga, ni ku tlakusa a xigomba xakwe ka wena, kota lezi ku nga mahiwa le Gipite.

Isaya 10:26

Jehova wa tiyimpi i ta tlakusa a limhika lakwe hehla kabye, khwatsi hi lezi a nga maha le Midiani, le ribyeni ga Orebi; kota lezi a nga tlakusa a nhonga yakwe hehla ka bimbi, i ta yi tlakusa kambe kota lezi a nga zi maha le Gipite. Ekso. 7:19; Vala. 7:25

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Isaya 19:16

A ka siku lego Gipite i ta fanana ni vavasati; i ta rurumela a chava a xibhakela xa Jehova wa tiyimpi xi tlakusiwako, xi va vukela.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 24:8

A guwa ga zigubhu gi miyele, a guwa ga migiyo gi mbhelile; A litsako la xitende li gumesile.

Isaya 30:29

Nwina mu ta yimbelela lisimu lo fanana ni leli li yimbelelwako ni wusiku mubuzweni wa kubasa; A timbilu ta nwina ti ta tsaka khwatsi hi ta lava va bako maxava loku vaya xitsungeni xa Jehova, A Ribyeni ga Israeli.

Isaya 31:4

Hakuva Jehova i wulile ka mina, aku: Khwatsi hi nghala kutani xinghalana xi dzumako pfimbeni wa xona, Xi nga chaviko a guwa ga varisi vo tala laʼva vitanilweko, Xi nga tsutsumiko xi chava a wunyingi gabye; Hizalezo Jehova wa tiyimpi i ta relela a talwa a xitsungeni xa Zioni ni mugangeni wa kona.

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Ezekieli 28:13

U wa hi le Edeni, a sinwini ga Nungungulu, u fenengetwa hi maribye ya tsengo, ma nga marubisi, ni topaze, ni daimani, niberile, ni onikisi, ni jasperi, ni safira, ni emeraldi, ni karbunkele, ni nzalama. A ntiro wo maha tingoma ni maxava wu wa hi kona ka wena, a siku lego u nga vangiwa ha gona.

Ezekieli 32:10

Ina, nzi ta maha vanhu vanyingi va hlamaliswa ha wena, Ni tihosi tabye ti ta rurumela hi kota ya wena, Laha nzi ta nga tlakusa a supado ya mina mahlweni kabye. Va ta rurumela xontlhe xikhati, Munwe ni munwani a rurumelela a wutomi gakwe hi siku ga kuwa ka wena.

Maheberu 12:26

loyi a gezu gakwe gi nga tsekatsekisa a misava a ka xikhati lexo; kanilezi makunu i tsumbisile, aku: Nza ha ta tsekatsekisa misava kanwe kambe, na ku nga hi yona yoce kanilezi ni tilo kambe. Ekso. 19:18; Hag. 2:6

1 Samueli 10:5

Anzhako ka lezo u ta ya chikela Gibea-Elohim, laha ku nga ni yindlu ya varinzeli va vaFilistia. Makunu a xikhati U enghenako mutini, u ta tlhangana ni ntlawa wa vaprofeti na va relela hi le wutshanwini gi tlakukileko, na va hi ni timbila, ni ngoma, ni maxava, ni zitende, na va kari va profeta.

1 Samueli 18:6

Makunu laha va nga wa wuya hi le ko ya hlasela vaFilistia a vavasati va lo huma hi lomu mitini yontlhe ya ka Israeli, na va kari va yimbelela va kina mahlweni ka hosi Saule, na va hi ni tingomana, na va kanyuluka hi kutsaka. Ekso. 15:20; Vala. 11:31