Isaya 30:23 - Tshwa Bible

²³ Zonake a timbewu ta nwina leti mu nga ti byala i ta ti nisela vula, ni zibaba zi humeswako hi pfuno wa masimu zi ta nanziha zi xurisa; a xikhatini lexo a mitlhambi ya nwina yi ta gela mikoveni ya hombe. Levi 26:4; Deut. 11:14; 28:12

Isaya 30:23 ပူးပေါင်းရင်းမြစ်များ

Genesisi 41:18

Laho ku lo huma hi lomu congweni a mapswele ya tihomu ya ntlhanu ni mambiri, na ma kulukile ma sasekile, na ma kari maga lomu hlangeni.

Genesisi 41:26

A tihomu leti ta ntlhanu ni timbiri to saseka, hi malembe ya ntlhanu ni mambiri; a miponwani leyi ya ntlhanu ni mimbiri ya yi nene hi malembe ya ntlhanu ni mambiri; a noro munwe.

Genesisi 41:47

Zonake a malembe laya ya ntlhanu ni mambiri ya pfuno, a tiko gi lo pfuna nguvunguvu.

Tisimu 36:8

Va xuriswa hi malongo ya yindlu ya wena; U va nwisa a mati ya congo wa kuxalala ka wena.

Tisimu 67:7

Nungungulu i ta hi katekisa; Kontlhe kugumelwa ka misava ku ta mu chava.

Isaya 10:27

A ka xikhati lexo a nzwhalo wa yena wu ta susiwa makatleni ya wena, ni muyoka wakwe wu ta susiwa nhanwini ya wena, hakuva muyoka wu ta tshoveka hi kota ya kutotiwa.

Isaya 32:20

Mu katekile nwina lava mu byalako lomu ku tsakamisilweko hi mati, Nwina lava mu nga bohiko a milenge ya homu ni ya mbongola.

Isaya 4:2

A ka siku lego a hluke ga Jehova gi tava gi bombisilwe gi ngangamela, a mihanzu ya misava yi tava yi nene ni ya wumbhuri a ka lava va ponileko va ka Israeli. Ekso. 19:5; Lu. 10:20; Kuv. 13:8

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 65:21

Loku va aka tiyindlu va ta tshama ka tona, Ni loku Va byala zivina va taga mihanzu ya zona.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Hosea 4:16

Hakuva Israeli i na ni kanu khwatsi i thokazi ka xitlalu; makunu Jehova i ta va risa khwatsi i tiyivana wutshanwini gi anamileko.

Levi 25:19

A misava yi ta humesa a mihanzu ya yona, mu taga mu xura, mu aka ka yona hi kurula.

Levi 26:3

Loku mu famba hi milayo ya mina, mu hlayisa zileletelo za mina, mu zi maha,

Levi 26:5

Lomu tikweni ga nwina, a xikhati xa ku hula xi ta chikela xikhatini xa ku kamela vinya; ni xikhati xa ku kamela vinya xi ta chikela xikhatini xa ku byala. Mu taga zakuga za nwina mu xura, mu tshameka khwatsi lomu tikweni ga nwina.

Zakaria 10:1

Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

Malaki 3:10

Nehani zontlhe za wukhume a ndlwini ya kuveketela, kasi ku fela kuva ni zakuga ndlwini ya mina, mu nzi ringa ha zona, ku wula Jehova wa tiyimpi, kasi ku wona loku nzi ta kala nzi nga mu vululeli a tinjhanela ta tilo nzi mu chululela a makatekwa yo tlhela mu vumala ni wutshamu go chela kona.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Deuteronome 11:14

nzi ta nyika a vula ka tiko ga nwina hi tinguva ta kona, a vula ya tsangela nguva, ni vula yo gumesa; u ta hula a mbewu ya wena, ni vinya ga wena, ni mafura ya wena. Jer. 5:24; Joeli 2:23

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33