Isaya 30:17 - Tshwa Bible

¹⁷ A va khume ga mazana va ta tsutsuma na va chaviswa hi munhu munwe, ni loku mu chaviswa hi laʼva ntlhanu, mu ta tsutsuma kala muku khwatsi mu mhanze le hehla ka xitsunga, muku khwatsi mu nghapa laha mugangeni.

Isaya 30:17 ပူးပေါင်းရင်းမြစ်များ

Mavingu 28:1

A va kubiha va tsutsuma na va nga hlongolwi hi munhu; anilezi lava va lulamileko va tiya kota xinghalana. Levi 26:36

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Jeremia 37:10

Hakuva hambu loku mu wa lo hihirita a yimpi yontlhe ya maKaldea lawa ma mu vukelako, na ku sele ntsena vo bayisiwa, a munwe ni munwani wabye i wa ta huma hi lomu tendeni gakwe, a ta hisa lowu muti hi nzilo.

Mikosi 4:19

A vahlongolisi va hina va wa hatlisa ku hunza magama ya le tilweni. Va wa hi hlongolisa zitsungeni, va hi juma lomu xiwuleni.

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Levi 26:36

Kasike lava va ta nga pona, nzi ta va maha va tsemeka mihlana lomu matikweni ya valala vabye. A guwa ga tluka gi ta va hlongola, va tsutsuma khwatsi hi loku va tsutsuma mahlweni ka matlhari, va tawa na va nga hlongolwi hi munhu. Isa. 30:17

Levi 26:8

A ntlhanu wa vanhu va ka nwina va ta hlongolisa a zana ga vanhu, ni zana ga va ka nwina Va ta hlongolisa a zana ga mazana; a valala va nwina va ta dawa hi matlhari ya nwina. Jox. 23:10; 2 Kro. 14:9, 12

Amosi 2:14

Loyi wa mazambu i ta tsanzeka ku tsutsuma, a wa ntamu a nga ta vuneka hi ntamu wakwe, ge hambu a nhenha a ku ponisa a wutomi gakwe.

Zefania 3:12

Kanilezi nzi ta siya xikari ka wena a vanhu va xanisekako ni vavumali, va ta tsumba a vito ga Jehova.

Va le Roma 11:17

Kanilezi loku manwani maravi ma phatlulwe, na wena loyi u nga oliva wa lomu khwatini, na u tlhomilwe xikari ka wona, u hlengela nawo a mutsu Wa kunona wa sinya ya oliva, Jer. 11:16; Efe. 2:12

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Joxua 23:10

Munhu munwe wa nwina i ta hlongola a 1,000 wabye; hakuva hi Jehova Nungungulu wa nwina a mu lwelako, khwatsi hi lezi a mu tsumbisileko. Levi 26:8; Deut. 28:7