Isaya 28:6 - Tshwa Bible

⁶ I tava moya wa nongameto ka yena loyi a ta ngava mulamuli, Ni wunhenha ka lava va ta nga hlongola valala le nyangweni.

Isaya 28:6 ပူးပေါင်းရင်းမြစ်များ

1 Tihosi 3:28

Zonake vontlhe va ka Israeli va lozwa hi malamulela ya hosi, va hlamala, hakuva va lo wona lezaku a wutlhari ga Nungungulu gi na yena kuxuxeni ka timhaka.

2 Kronekele 32:6

I lo yimisa a tinduna ta yimpi lomu xikari ka vanhu, a va tsombanyisa laha kubaseni ka nyangwa ya muti, a wulawula magezu ma tangalisako timbilu tabye, aku:

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Mavingu 20:8

A hosi leyi yi tshamako xitshanwini xa kulamula, i hluta kubiha hi mahlo ya yona.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 33:5

Jehova i tlakukile hakuva i tshama le hehla; I tatisile Zioni hi nongameto ni kululama.

Isaya 4:4

laha a Hosi yi ta ngava yi hlazile a chaka ga vanhwana va Zioni, ni ku susa a nkhata wu nga xikari ka Jerusalema hi moya wa kulamula ni moya wa kuhisa.

Zakaria 12:5

A tihosana ta ka Juda ti taku timbilwini ta tona: A vaaki va Jerusalema i ntamu wa hina ha Jehova wa tiyimpi, a Nungungulu wabye.

Johani 3:34

Hakuva loyi Nungungulu a mu rumileko, i wulawula timhaka ta Nungungulu; hakuva Nungungulu a nga nyiki Moya hi lipimo. Lu. 7:16; 24:19; Xip. 1:16

Johani 5:30

Mina a nzi zi koti ku maha nchumu ha nzoce. Nza lamula kota lezi nzi zi zwako; a kulamula ka mina ku lulamile, hakuva a nzi lavi kuranza ka mina, kanilezi a kuranza ka loyi a nzi rumileko. Mat. 26:39; Xip. 4:34; 6:38

1 Va le Korinte 12:8

Hakuva munwani i nyikiwa ha wona Moya a timhaka ta kutlhariha, ni munwani i nyikiwa a timhaka ta kutiva hi wona Moya lowo; Xip. 2:6; 2 Kor. 8:7

Deuteronome 20:4

hakuva Jehova Nungungulu wa nwina i famba zinwe na nwina ku mu lwela ka valala va nwina ni ku mu nyika kuhlula.

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.